బంగ్లాదేశ్తో టీ20 సిరీస్ను కైవసం చేసుకున్న టీమిండియాపై ప్రశంసల వర్షం కురిపించాడు పాకిస్థాన్ మాజీ క్రికెటర్ షోయబ్ అక్తర్. క్రికెట్లో భారత్ మరోసారి 'బాస్' అని నిరూపించుకుందని చెప్పాడు.
"ఈ మ్యాచ్లో గెలిచి టీమిండియా బాస్ అని నిరూపించుకుంది. తొలి టీ20లో ఓడినప్పటికీ.. రెండో మ్యాచ్లో రోహిత్ శర్మ చక్కటి ప్రదర్శనతో ఆకట్టుకొని జట్టును గెలిపించాడు. అతడు ప్రతిభ గల ఆటగాడు. మూడో టీ20లో బంగ్లాదేశ్ ఆటకు హ్యాట్సాఫ్. గట్టి పోటీనిచ్చింది. అయితే భారత్ మళ్లీ పుంజుకొని సిరీస్ కైవసం చేసుకుంది."
- షోయబ్ అక్తర్, పాకిస్థాన్ మాజీ క్రికెటర్.
ఆఖరి టీ20లో వైవిధ్యమైన బౌలింగ్తో దీపక్ చాహర్ ఆకట్టుకున్నాడని అన్నాడు అక్తర్.
"అతడి బౌలింగ్‌లో(దీపక్) మీడియం పేస్‌, సీమ్‌ కలిసుంది. చివర్లో హ్యాట్రిక్‌ సాధించి అద్భుతమైన ప్రదర్శన చేశాడు".
- షోయబ్ అక్తర్, పాకిస్థాన్ మాజీ క్రికెటర్.
బంగ్లాదేశ్తో జరిగిన మూడు టీ20ల సిరీస్లో భారత్ 2-1 తేడాతో విజయం సాధించింది. నవంబరు 14 నుంచి రెండు టెస్టులు ఆడనున్నాయి ఇరు జట్లు.
ఇదీ చదవండి: విండీస్ క్రికెట్ పీడ విరగడైంది: బ్రావో
