టీమ్ఇండియా ఓపెనర్ శిఖర్ ధావన్ బాలీవుడ్ సూపర్‌స్టార్‌ అక్షయ్‌కుమార్‌ను కలిశాడు. ఎప్పుడు ఎక్కడ కలిశాడనే సమాచారం లేకపోయినా ఆ హీరోతో కలిసి దిగిన సెల్ఫీని ఇన్స్టాగ్రామ్లో పంచుకున్నాడు. మీతో ఉన్నంతసేపూ సరదాగా ఉంటుందని దానికి వ్యాఖ్యానం జతచేశాడు. ఓ చెరువుగట్టు పక్కన ఇద్దరూ సంతోషంగా నవ్వుతున్న ఫొటోను ధావన్ అభిమానులతో పంచుకున్నాడు.
- " class="align-text-top noRightClick twitterSection" data="
">
అంతకుముందు టీమ్ఇండియా స్పిన్నర్‌ యుజువేంద్ర చాహల్ దంపతులు ధావన్‌ను కలిశారు. ఆ ఫొటోను ఈ స్పిన్‌ మాంత్రికుడు తన ఇన్‌స్టాలో పంచుకొని సంతోషం వ్యక్తం చేశాడు. ధావన్ మంచి ఆతిథ్యం ఇచ్చాడని పేర్కొన్నాడు. కాగా.. ధావన్, చాహల్ చివరిసారి ఆస్ట్రేలియాతో జరిగిన పరిమిత ఓవర్ల సిరీస్‌లో ఆడారు. ఆపై వారు తిరిగి భారత్‌కు చేరుకున్నారు.
- " class="align-text-top noRightClick twitterSection" data="
">
ఇక ఆసీస్‌ పర్యటనకు ముందు యూఏఈలో జరిగిన ఐపీఎల్ 13వ సీజన్‌లో ధావన్ రెచ్చిపోయాడు. ఈ సీజన్‌లో అతడు 17 మ్యాచ్‌ల్లో 618 పరుగులు చేశాడు. అందులో రెండు వరుస శతకాలు బాది ఐపీఎల్‌లో కొత్త రికార్డు నెలకొల్పాడు. మరోవైపు చాహల్ 15 మ్యాచ్‌ల్లో 21 వికెట్లతో ఆకట్టుకున్నాడు.
ఇదీ చూడండి: ఐపీఎల్: వీరి ధర చాలా ఎక్కువ గురూ!
