టీమ్ఇండియా యువ ఆటగాడు పృథ్వీ షాపై మాజీ క్రికెటర్, ఉత్తరాఖండ్ రంజీ జట్టు కోచ్ వసీం జాఫర్ ప్రశంసలు కురిపించాడు. ఈ ఓపెనర్ ఆటతీరును దిగ్గజ క్రికెటర్ వీరేంద్ర సెహ్వాగ్తో పోల్చాడు. ఈ విషయాన్ని తాజాగా ఓ ఇంటర్వ్యూలో వెల్లడించాడు జాఫర్.
"నాకు తెలిసినంత వరకు పృథ్వీషా ఓ ప్రత్యేక ఆటగాడు అనడంలో సందేహమే లేదు. ఆతని ఆటతీరు, బంతిని బాదే విధానం సెహ్వాగ్లా ఉంటుంది. ప్రత్యర్థులను పృథ్వీ షా సమర్థవంతంగా ఎదుర్కోగలడు. కానీ, అతడు ఆటను ఇంకొంత అర్థం చేసుకోవాల్సిన అవసరం ఉంది."
- వసీం జాఫర్, టీమ్ఇండియా మాజీ క్రికెటర్
టీమ్ఇండియా యువ ఓపెనర్ మయాంక్ అగర్వాల్ గురించి జాఫర్ మాట్లాడుతూ.. అతను మంచి ఆటగాడు అయినప్పటికీ ఇంకా నిరూపించుకోవాల్సి ఉందని తెలిపాడు. "తనకు లభించిన కొన్ని అవకాశాల్లో ఉత్తమ ప్రదర్శన చేశాడు. విదేశాల్లో నిరూపించుకోవడం మయాంక్కు సవాలుగా మారింది" అని జాఫర్ అభిప్రాయపడ్డాడు.
క్రికెటర్గా 24 ఏళ్ల కెరీర్ పూర్తయిన తర్వాత ఈ ఏడాది మార్చి 7న ఆటకు వీడ్కోలు పలికాడు జాఫర్. 260 ఫస్ట్ క్లాస్ మ్యాచ్లు, టీమ్ఇండియా తరఫున 31 టెస్టులు, రెండు వన్డేలకు ప్రాతినిధ్యం వహించాడు. రంజీ ట్రోఫీలో ముంబయి జట్టు ఆటగాడిగా కెరీర్ ప్రారంభించి 2015-16 సీజన్లో విదర్భ జట్టుకు మారాడు.
