టీమ్ఇండియా క్రికెటర్ రోహిత్శర్మ.. బ్యాట్స్మెన్గా ఇంతలా సక్సెస్ కావడం వెనకున్న రహస్యాన్ని వెల్లడించాడు మాజీ ఆల్రౌండర్ ఇర్ఫాన్ పఠాన్. 2011 వన్డే ప్రపంచకప్లో చోటు దక్కనందుకు చాలా బాధపడ్డాడని, ఆ తర్వాత తీవ్రంగా శ్రమించి జట్టులో సుస్థిరస్థానం సంపాదించుకున్నాడని చెప్పాడు. 'క్రికెట్ కనెక్టడ్' కార్యక్రమంలో మాట్లాడిన ఇర్ఫాన్.. వీటితో పాటే చాలా విషయాల్ని పంచుకున్నాడు.
"నింపాదిగా బంతిని ఎదుర్కొనేందుకు చాలా సమయం ఉందన్నట్లుగా అడే రోహిత్ లాంటి బ్యాట్స్మెన్ను చాలామంది అపార్థం చేసుకుంటారు. మరింత కష్టపడాలని వారికి సూచనలిస్తూ ఉంటారు. వసీమ్ జాఫర్కు ఇలానే చెప్పారు. అయితే వీరిలాంటి క్రికెటర్లు ఎంతో కష్టపడతారు. ఇలానే ఆడే రోహిత్శర్మ.. జట్టు ప్రయోజనాలో ప్రాధాన్యమని అనుకుంటూ ఆడుతుంటాడు" -ఇర్ఫాన్ పఠాన్, భారత మాజీ ఆల్రౌండర్
టీమ్ఇండియా ఓపెనర్ రోహిత్ శర్మ
2007లో అరంగేట్రం చేసిన రోహిత్శర్మ.. అదే ఏడాది టీ20 ప్రపంచకప్ గెలిచిన భారత్ జట్టులో సభ్యుడిగా ఉన్నాడు. అయితే పలు మ్యాచ్లు ఆడిన హిట్మ్యాన్, నిలకడలేమి కారణం స్థానం కోల్పోయాడు. 2011 ప్రపంచకప్లో పాల్గొనలేకపోయాడు. దీంతో తీవ్రంగా శ్రమించిన 2013 ఛాంపియన్స్ ట్రోఫీ సందర్భంగా ఓపెనర్గా మారాడు. అప్పటినుంచి ఇప్పటివరకు తనదైన బ్యాటింగ్ చేస్తూ ఆకట్టుకుంటున్నాడు. ఈ ఏడేళ్ల వ్యవధిలోనే వన్డేల్లో మూడు ద్విశతకాలు చేసి, ఏ బ్యాట్స్మన్కు సాధ్యం కానీ ఘనత సాధించాడు. గతేడాది ప్రపంచకప్లోనూ ఐదు శతకాలు చేసి ఔరా అనిపించాడు. ప్రస్తుతం టీమ్ఇండియాలో వైస్ కెప్టెన్గా, ఐపీఎల్లో ముంబయి ఇండియన్స్ జట్టుకు సారథిగా బాధ్యతలు నిర్వర్తిస్తున్నాడు.
ఇవీ చదవండి:
