ఆస్ట్రేలియాతో టెస్ట్ సిరీస్ ఆడేందుకు టీమ్ఇండియా క్రికెటర్ రోహిత్ శర్మ సన్నద్ధమవుతున్నాడు. ఐపీఎల్లో గాయపడిన హిట్మ్యాన్.. ఇటీవల బెంగళూరులోని ఎన్సీఏలో పునరావాసానికి వెళ్లాడు. ఈ క్రమంలోనే గురువారం ఫిట్నెస్ ట్రైనింగ్ ప్రారంభించాడు.
పాసైతేనే
రోహిత్ శర్మ.. ఐపీఎల్లో గాయపడిన తర్వాత కోలుకొని ఫైనల్ సహా రెండు మ్యాచ్లు ఆడాడు. అదే సమయంలో ఆస్ట్రేలియా పర్యటనకు టీమ్ఇండియా జట్టును ప్రకటించింది బీసీసీఐ. అందులో రోహిత్ ఎంపిక అవ్వలేదు. మరోవైపు సారథి కోహ్లీ.. పితృత్వ సెలవులు తీసుకొని టెస్ట్ సిరీస్లోని చివరి మూడు మ్యాచ్లకు దూరమయ్యాడు. దీంతో ఆ మూడు మ్యాచ్లకు హిట్మ్యాన్ను తీసుకున్నారు. అయితే పూర్తిస్థాయి ఫిట్నెస్ సాధిస్తేనే రోహిత్ ఈ పర్యటనలో పాల్గొనే అవకాశముంది. ఇందుకోసం బెంగళూరులోని ఎన్సీఏలోని పునరావాసానికి వెళ్లాడు. కానీ ఇక్కడ ఫిట్నెస్ సాధించిన తర్వాత యోయో పరీక్ష కూడా ఉంటుంది. అందులో‌నూ పాసైతేనే టెస్ట్ సిరీస్కు అర్హత లభిస్తుంది.
మరోవైపు, ఐపీఎల్లో గాయాల పడిన వృద్ధిమాన్‌ సాహా, ఇషాంత్‌ శర్మ కోలుకున్నారు. ప్రస్తుతం ఎన్సీఏలో ఉన్న వారు కూడా తిరిగి సాధన మొదలెట్టారు. దీనికి సంబంధించిన వీడియోను ఇటీవల బీసీసీఐ ట్వీట్ చేసింది.
ఇదీ చూడండి :
