కెప్టెన్సీ విషయమై టీమిండియా సెలక్టర్లు వ్యవహరించిన తీరును భారత మాజీ ఆటగాడు సునీల్ గావస్కర్ తప్పుపట్టిన విషయం తెలిసిందే. ప్రపంచకప్ ప్రదర్శనపై ఒక్క సమావేశమైన నిర్వహించకుండా కోహ్లీని కెప్టెన్గా ఎలా కొనసాగిస్తారంటూ గావస్కర్ మండిపడ్డాడు. తాజాగా ఈ విషయంపై మరో మాజీ క్రికెటర్ సంజయ్ మంజ్రేకర్ స్పందించాడు. అతడి మాటలతో నేను ఏకీభనించలేను అని తెలిపాడు.
"కోహ్లీని కెప్టెన్గా నియమిస్తూ భారత్‌ సెలక్షన్ కమిటీ తీసుకున్న నిర్ణయాన్ని గావస్కర్ తప్పుబట్టడం సరికాదు. నేను ఆయన వాదనను గౌరవంగా తిరస్కరిస్తున్నా. వరల్డ్‌కప్‌లో భారత జట్టు ప్రదర్శన మరీ అంత చెత్తగా ఏమీ లేదు. ఏడు మ్యాచ్ల్లో రెండు మాత్రమే ఓడిపోయింది. టెస్టుల్లో భారత జట్టు ప్రదర్శన బాగానే ఉంది. కెప్టెన్గా కోహ్లీ నియామకం సరైనదే. కానీ సెలక్టర్లు చిత్తశుద్ధిగా వ్యవహరించడం చాలా ముఖ్యం"
-సంజయ్ మంజ్రేకర్, భారత మాజీ ఆటగాడు
ప్రపంచకప్ సెమీస్లో ఓడి ఇంటిముఖం పట్టిన టీమిండియాపై విమర్శలు వచ్చాయి. కోహ్లీని సారథ్య బాధ్యతల నుంచి తప్పిస్తారన్న వార్తలూ చక్కర్లు కొట్టాయి. రోహిత్ శర్మకు పరిమిత ఓవర్ల కెప్టెన్సీ అప్పగిస్తారని గుసగుసలు వినిపించాయి. అయితే విండీస్ పర్యటనకు మూడు ఫార్మాట్లలోనూ విరాట్నే కెప్టెన్గా ప్రకటించింది సెలక్షన్ కమిటీ.
ఇవీ చూడండి.. 'కెప్టెన్సీపై సమావేశం ఎందుకు జరగలేదు'
