ఆ విషయంలో సచిన్​ను దాటేసిన ద్రవిడ్

విజ్డెన్ పోల్​లో, టీమ్​ఇండియా అత్యుత్తమ టెస్టు బ్యాట్స్​మన్​గా ద్రవిడ్ ఘనత సాధించాడు. ఈ క్రమంలో సచిన్, గావస్కర్, కోహ్లీలను అధిగమించాడు.

భారత అత్యుత్తమ టెస్టు బ్యాట్స్​మన్ ఎవరు? అని విజ్డెన్ ఇండియా నిర్వహించిన పోల్​లో దిగ్గజ సచిన్​ను అధిగమించాడు మాజీ క్రికెటర్ రాహుల్ ద్రవిడ్. మొత్తం వేసిన 11,400 ఓట్లలో ద్రవిడ్​ 52 శాతం దక్కించుకుని విజేతగా నిలిచాడు. ఇతడి తర్వాతి స్థానాల్లో సచిన్, గావస్కర్, కోహ్లీ నిలిచారు.

ముందుతరంలో ఆడిన సచిన్, ద్రవిడ్.. ప్రపంచ ఉత్తమ బ్యాట్స్​మెన్​గా గుర్తింపు తెచ్చుకున్నారు. వన్డేల్లో, టెస్టులో చెరో 10 వేలకుపైగా పరుగులు చేశారు. అయితే ద్రవిడ్ డిఫెన్సివ్​గా ఆడి పేరు తెచ్చుకోగా, సచిన్ మాత్రం అద్భుతమైన స్ట్రోక్ బ్యాట్స్​మన్​గా నిలిచాడు. వీరిద్దరూ భారత జట్టుకు కెప్టెన్​గానూ కొంతకాలం పనిచేశారు.

టెస్టుల్లో 164 మ్యాచ్​లాడిన ద్రవిడ్.. 52.31 సగటులో 13,288 పరుగులు చేయగా, సచిన్ 200 మ్యాచ్​ల్లో 53.78 సగటుతో 15,921 పరుగులు చేయడం విశేషం.

ఇవీ చదవండి: