క్వింటన్ డికాక్ను టెస్టు జట్టుకు కెప్టెన్గా నియమిస్తున్నట్లు క్రికెట్ దక్షిణాఫ్రికా శుక్రవారం ప్రకటించింది. వైట్బాల్ కెప్టెన్గా డికాక్ అద్భుతంగా రాణిస్తున్నందున టెస్టు జట్టు బాధ్యతలు తనకే అప్పగించాలని క్రికెట్ సౌతాఫ్రికా డైరెక్టర్ గ్రేమ్ స్మిత్ తెలిపాడు.
డిసెంబరు 26 నుంచి శ్రీలంకతో రెండు టెస్టుల సిరీస్ ప్రారంభంకానున్న నేపథ్యంలో క్రికెట్ దక్షిణాఫ్రికా జట్టును ప్రకటించింది. ఇందులో సారెల్ ఎర్వీ, గ్లెంటన్ స్టుర్మాన్, కైల్ వెర్రీన్ వంటి కొత్త ఆటగాళ్లను జట్టులోకి తీసుకున్నారు. గాయాలతో బాధపడుతున్న కగిసో రబాడా, డ్వైన్ ప్రిటోరియస్లను ఎంపిక చేయలేదు. కోలుకున్న తర్వాత వారిని జట్టులోకి తీసుకునే అవకాశం ఉంది.
దక్షిణాఫ్రికా టెస్టు స్క్వాడ్: క్వింటన్ డికాక్ (కెప్టెన్), టెంబ బవుమా, ఐడెన్ మర్క్రమ్, ఫాఫ్ డుప్లెసిస్, బ్యూరాన్ హెన్రిక్స్, ఎల్గర్, కేశవ్ మహారాజ్, లుంగి ఎంగిడి, రాస్సీ వాన్ డెర్ డుసెన్, సారెల్ ఎర్వీ, ఎన్రిచ్ నోర్ట్జే, గ్లెంటన్ స్టుర్మాన్, వియాన్ ముల్డర్, కీగన్ పీటర్సన్, కైల్ వెర్రిన్నే.
