బంగ్లాదేశ్తో డే/నైట్ టెస్టు ఆడుతున్న రిషబ్ పంత్ విషయంలో సెలక్షన్ కమిటీ ఆసక్తికర నిర్ణయం తీసుకుంది. టెస్టుకు బదులుగా దేశవాళీ లీగ్ సయ్యద్ ముస్తాక్ అలీ టోర్నీలో ఆడనున్నాడీ క్రికెటర్. త్వరలో వెస్టిండీస్తో పరమిత ఓవర్ల మ్యాచ్లు ఉన్న నేపథ్యంలో, బీసీసీఐ ఈ నిర్ణయం తీసుకుంది. అయితే పింక్ టెస్టు కోసం పంత్ స్థానంలో ఆంధ్ర క్రికెటర్ కే.ఎస్.భరత్ రానున్నాడు.
"పంత్.. వెస్టిండీస్తో జరిగే ఆరు మ్యాచ్లు (3 టీ20, 3 వన్డేలు) ఆడనున్నాడు. ఆలోపు దిల్లీ తరఫున సయ్యద్ ముస్తాక్ అలీ టోర్నీలో రిషబ్ పాల్గొనేలా సెలక్షన్ కమిటీ నిర్ణయం తీసుకుంది" -బీసీసీఐ అధికారి
భారత్-ఏ తరఫున రెగ్యులర్ ఆటగాడైన భరత్.. ఫస్ట్క్లాస్ క్రికెట్లో 69 మ్యాచ్లాడి 3,909 పరుగులు చేశాడు. ఇందులో ఓ ట్రిపుల్ సెంచరీ, 8 శతకాలు, 20 అర్ధ శతకాలు ఉన్నాయి.
ఇది చదవండి: కెప్టెన్గా వేగంగా 5 వేల మార్కు అందుకున్న విరాట్
