నెటిజన్లకు ఇది నిజంగా ఆశ్చర్యకర వార్తే. పాక్ మాజీ క్రికెటర్ షోయబ్ మాలిక్ బాటలోనే హసన్ అలీ వెళ్లనున్నాడు. భారతదేశానికి చెందిన షమియా అర్జూ అనే మహిళను.. అలీ వచ్చే ఏడాది వివాహం చేసుకోనున్నాడని పాక్ స్థానిక మీడియా వెల్లడించింది. ఈ విషయంపై స్పష్టత రావాల్సి ఉంది.
25 ఏళ్ల షమియా.. ఇంగ్లాండ్లో ఇంజినీరింగ్ పూర్తి చేసి, ప్రస్తుతం దుబాయిలో ఓ ప్రైవేట్ ఎయిర్లైన్స్ సంస్థలో పనిచేస్తోంది. ఓ స్నేహితుడి వల్ల అలీ పరిచయమయ్యాడు. ఆ తర్వాత స్నేహం కాస్త ప్రేమగా మారి మూడు ముళ్ల బంధానికి దారితీసింది.
పాక్ జాతీయ క్రికెట్ జట్టుకు ప్రాతినిధ్యం వహిస్తోన్న హసన్ అలీ... ఇప్పటి వరకు దేశం తరఫున 9 టెస్టులు, 53 వన్డేలు, 30 టీ-ట్వంటీలు ఆడాడు. ఆల్రౌండర్గా తనకంటూ ఓ గుర్తింపు తెచ్చుకున్నాడు.
ఇది చదవండి: 'సచిన్ సలహాల కోసం వేచిచూస్తున్నా'నని చెప్పిన పాక్ క్రికెటర్ అబిద్ అలీ
