దాదాపు పదేళ్ల తర్వాత పాకిస్థాన్లో ఓ టెస్టు సిరీస్ జరుగుతోంది. ఇందులో భాగంగా శ్రీలంకతో తొలిటెస్టు బుధవారమే ప్రారంభమైంది. ఇదే జోరులో పాక్ బోర్డు మరో ముందుడగు వేసింది. వచ్చే నెలలో బంగ్లాదేశ్తో డే/నైట్ టెస్టు నిర్వహించాలని భావిస్తోంది. ఇందుకోసం ఆ దేశ బోర్డుకు ఓ ప్రతిపాదనను పంపింది. వారి నిర్ణయం కోసం ఎదురుచూస్తోంది.
తమకు పంపిన ప్రతిపాదనపై బంగ్లాదేశ్ క్రికెట్ బోర్డు(బీసీబీ) అధికారులు స్పందించారు. తమ ప్రభుత్వం నుంచి అనుమతి లభించిన తర్వాత, వారంలోపు ఈ విషయంపై స్పష్టతనిస్తామని అన్నారు.
ఈ సిరీస్లోని రెండు టెస్టుల్లో ఓ మ్యాచ్ను కరాచీలో ఆడించాలని పాక్ అనుకుంటోంది. ఈ విషయాన్ని పాకిస్థాన్ క్రికెట్ బోర్డ్(పీసీబీ) సీఈఓ వసీం ఖాన్ చెప్పారు. మార్చిలో జరిగే పీఎస్ఎల్ తర్వాత దక్షిణాఫ్రికా, అఫ్గానిస్థాన్, ఐర్లాండ్ జట్లకు ఆహ్వానం పంపుతామని అన్నారు.
2009 మార్చిలో పాక్లో పర్యటించిన శ్రీలంకపై ఉగ్రదాడి జరిగింది. ఆ తర్వాత నుంచి ఇప్పటివరకు అక్కడ టెస్టు మ్యాచ్ జరగలేదు.
ఇదీ చదవండి: రనౌట్ వదిలేసిన బౌలర్పై ప్రశంసలు- ఎందుకు?
