టీమిండియా సారథి విరాట్ కోహ్లీపై పాకిస్థాన్ మాజీ క్రికెటర్ జావెద్ మియాందాద్ ప్రశంసల జల్లు కురిపించాడు. కోహ్లీ అద్భుతమైన ఆటగాడు అని చెప్పడానికి అతడు సాధించిన రికార్డులే ఉదాహరణ అని అన్నాడు. భారత క్రికెట్‌లో కోహ్లీ తన ఫేవరేట్‌ అని తెలిపాడు.
"భారత క్రికెట్‌లో అత్యుత్తమ క్రికెటర్ కోహ్లీనే. అతడి గురించి నేను పెద్దగా చెప్పాల్సిన పనిలేదు. తనేంటో అతడు సాధించిన రికార్డులే చెబుతాయి. అతని గణాంకాలను చూస్తే ఎవరైనా కోహ్లీ అద్భుతమైన ఆటగాడని అంగీకరించాల్సిందే. దక్షిణాఫ్రికాలో అతడు గొప్పగా రాణించాడు. అక్కడి వికెట్‌పై శతకాలు సాధించాడు. అతడు బౌన్సీ పిచ్‌లపై పేసర్లను ఎదుర్కోలేడని, స్పిన్‌లో బాగా లేడని ఎవరూ అనలేరు. ఎక్కడైనా అతడు బౌలర్లపై ఆధిపత్యం చెలాయించగలడు. విరాట్ మంచి హిట్టర్‌. అతడు ఆడే షాట్స్‌ ఎంతో చూడముచ్చటగా ఉంటాయి. అతడు క్లాస్‌ ప్లేయర్"
-మియాందాద్, పాకిస్థాన్ మాజీ క్రికెటర్ .
పాక్‌ తరఫున మియాందాద్ 124 టెస్టుల్లో 8,832 పరుగులు, 233 వన్డేల్లో 7,381 పరుగులు చేశాడు.
ఇదీ చూడండి : 'కరోనా సమయంలోనూ డబ్బుల కోసం కక్కుర్తా?'
