భారత జట్టు రిజర్వ్ బెంచ్ పటిష్ఠంగా ఉండటం వల్ల టీమ్ఇండియాకు మరింత బలం చేకూరిందని కెప్టెన్ విరాట్ కోహ్లీ అన్నాడు. శనివారం ఇంగ్లాండ్పై టీమ్ ఇండియా 3-1తో సిరీస్ గెలిచిన నేపథ్యంలో ఈ విధంగా మాట్లాడాడు.
"భారత జట్టు రిజర్వు బెంచ్ పటిష్ఠంగా ఉంది. జట్టు సభ్యుల రొటేషన్ జరిగినప్పుడు ఇది చాలా ఉపయోగపడుతుంది. చెన్నై వేదికగా జరిగిన మ్యాచ్ అనంతరం టీమ్ఇండియా చక్కటి ప్రదర్శన కనబరిచింది. రిషభ్ పంత్, వాషింగ్టన్ సుందర్ భాగస్వామ్యం జట్టు విజయంలో కీలకంగా మారింది. అశ్విన్, అక్షర్ అద్భుతంగా బౌలింగ్ చేశారు."
-విరాట్ కోహ్లీ, టీమ్ఇండియా సారథి.
సమంగా నిలవలేకపోయాం..
భారత్తో ఓటమిపాలైన నేపథ్యంలో ఇంగ్లాండ్ జట్టు కెప్టెన్ జో రూట్ స్పందించాడు. మొదటి టెస్ట్లో బాగానే ఆడినా.. తర్వాత మూడు టెస్టుల్లో భారత్కు తగిన పోటీ ఇవ్వలేకపోయామని అన్నాడు.
"కీలక సమయంలో టీమ్ఇండియా రాణించింది. వాషింగ్టన్ సుందర్, రిషభ్ పంత్ గేమ్ తీరునే మార్చేశారు. ఇంగ్లాండ్ జట్టు అనుకున్న రీతిలో పరుగులు సాధించలేకపోయింది."
-జో రూట్, ఇంగ్లాండ్ కెప్టెన్.
ఇంగ్లాండ్ రొటేషన్ పద్ధతినీ జో రూట్ వెనకేసుకొచ్చారు. ఆటగాళ్లను ఎంపిక చేసుకునేందుకు ఇది బాగా ఉపయోగపడుతుందని అన్నాడు.
ఇదీ చదవండి:'జాంబీల్లా మారిన టీమ్ఇండియా క్రికెటర్లు'
