రెండో టీ20లోనూ న్యూజిలాండ్ ఘనవిజయం సాధించింది. వెస్టిండీస్తో ఆదివారం జరిగిన ఈ మ్యాచ్లో ఆల్రౌండర్ ప్రదర్శనతో కివీస్ అదరగొట్టింది. ఫలితంగా 72 పరుగుల తేడాతో గెలిచింది.
టాస్ ఓడి బ్యాటింగ్కు దిగిన కివీస్ ఓపెనర్లు గప్తిల్(34), సెఫార్ట్(18).. ధాటిగానే ఇన్నింగ్స్ ప్రారంభించారు. దీంతో తొలి వికెట్కు 49 పరుగులు జోడించారు. అనంతరం తక్కువ పరుగుల వ్యవధిలోనే వీరిద్దరూ ఔటయ్యారు.
ఆ తర్వాత క్రీజులోకి వచ్చిన కాన్వే(65*), గ్లెన్ ఫిలిప్స్(51 బంతుల్లో 108)ధనాధన్ ఇన్నింగ్స్ ఆడారు. దీంతో నిర్ణీత ఓవర్లలో 3 వికెట్లు కోల్పోయి 238 పరుగుల భారీ స్కోరు చేసింది కివీస్.
ఛేదనలో విండీస్ ఏ దశలోనూ పోటీ ఇవ్వలేకపోయింది. ఓవర్లన్నీ ఆడి 9 వికెట్లు కోల్పోయి 166 పరుగులకే చేయగలిగింది. కెప్టెన్ పొలార్డ్(28) టాప్ స్కోరర్.
వేగవంతమైన సెంచరీ
46 బంతుల్లో సెంచరీ చేసిన ఫిలిప్స్.. తమ దేశం తరఫున అత్యంత వేగంగా శతకం చేసిన ఆటగాడిగా నిలిచాడు. ఇతడి తర్వాతి స్థానంలో కొలిన్ మున్రో(47 బంతుల్లో) ఉన్నాడు.
మూడో అత్యధిక స్కోరు
నిర్ణీత 20 ఓవర్లలో 238 పరుగులు చేసిన న్యూజిలాండ్.. ఈ ఫార్మాట్లో ఈ జట్టుకిది మూడో అత్యధికం.
