కరోనా వైరస్ వ్యాప్తి కారణంగా క్రీడాకారులకు తాత్కాలిక విరామం లభించింది. ఈ నేపథ్యంలో కొత్త ఛాలెంజ్లతో ఒకర్నొకరు ఛాలెంజ్ చేసుకుంటున్నారు. ఇటీవల సామాజిక మాధ్యమాల్లో చక్కర్లు కొడుతున్న 'టాయ్లెట్ రోల్ ఛాలెంజ్'లో పలువురు క్రీడాకారులు భాగమవుతున్నారు. ఇందుకోసం టాయ్లెట్ పేపర్ రోల్ను ఫుట్బాల్ లాగా గాలిలో లేపాలి.. ఈ విధంగా ఎంత సమయం గాలిలో ఉంచుతారో అనేది ఛాలెంజ్. తాజాగా ఇంగ్లాండ్ మహిళా క్రికెటర్ డేనియల్ వ్యాట్ ఈ ఛాలెంజ్ను చేసి వీడియోను పోస్ట్ చేసింది.
ఈ ఛాలెంజ్కు తనను ఆహ్వానించిన ఇంగ్లాండ్ క్రికెటర్ జార్జియా ఆడమ్స్కు ధన్యవాదాలు తెలిపింది డేనియల్. అలాగే టీమిండియా యువ క్రీడాకారిణి షెఫాలీవర్మ, ఫ్రాన్ విల్సన్లను ఈ ఛాలెంజ్కు నామినేట్ చేసింది.
- " class="align-text-top noRightClick twitterSection" data="
">
డేనియల్ వ్యాట్.. ఈ ఏడాది జరిగిన టీ20 మహిళా ప్రపంచకప్లో ఆడింది. టీమిండియాతో జరగాల్సి ఉన్న సెమీఫైనల్ రద్దవ్వటం వల్ల ఇంగ్లీష్ జట్టు ఇంటిదారి పట్టింది. ఈ ఏడాది జూన్లో టీమిండియా, ఇంగ్లాండ్ జట్ల మధ్య వన్డే సిరీస్ జరగనుంది.
ఇదీ చూడండి.. ఐపీఎల్లో ఆర్సీబీ జట్టుకు ఆడతా: ఛెత్రి
