ఆక్లాండ్ వేదికగా పాకిస్థాన్తో జరిగిన తొలి టీ20లో న్యూజిలాండ్ విజయం సాధించింది. 5 వికెట్ల తేడాతో గెలిచింది. అరంగేట్ర మ్యాచ్లోనే బౌలింగ్తో ఆకట్టుకున్న జాకబ్ డఫ్ఫీ(4/33) ప్లేయర్ ఆఫ్ ది మ్యాచ్గా నిలిచాడు.
తొలుత టాస్ గెలిచి బ్యాటింగ్ ఎంచుకున్న పాక్.. నిర్ణీత 20 ఓవర్లలో 9 వికెట్ల నష్టానికి 153 పరుగులు చేసింది. కెప్టెన్ షాదాబ్ ఖాన్(42) టాప్ స్కోరర్. మిగిలిన వారిలో ఫహీమ్ ఆష్రఫ్ 31, ఇమాద్ వసీమ్ 19, ఖుష్దిల్ 16, రిజ్వాన్ 17 తక్కువ పరుగులే చేశారు. కివీస్ బౌలర్లలో జాకబ్ 4, కగ్లింజన్ 3, సోదీ, టిక్నర్ తలో వికెట్ పడగొట్టారు.
అనంతరం లక్ష్యాన్ని 18.5 ఓవర్లలో పూర్తి చేసింది న్యూజిలాండ్. ఓపెనర్ టిమ్ సీఫర్ట్ (57) విజయంలో కీలకపాత్ర పోషించాడు. మిగిలిన బ్యాట్స్మెన్లో గ్లెన్ ఫిలిప్స్ 23, మార్క్ చాప్మన్ 34, నీషమ్ 15, శాంట్నర్ 12 పరుగులు చేశారు. పాక్ బౌలర్లలో హరీశ్ రవూఫ్ 3, షాహీన్ అఫ్రిది 2 వికెట్లు తీశారు. ఈ రెండు జట్ల మధ్య రెండో టీ20 ఆదివారం(డిసెంబరు 20) జరగనుంది.
