ఆస్ట్రేలియాతో జరిగే సిరీస్లో తన బ్యాటింగ్ స్థానం.. ఆడే ఫార్మాట్పై ఆధారపడి ఉంటుందని అన్నాడు టీమ్ఇండియా క్రికెటర్ కేఎల్ రాహుల్. ఐపీఎల్-13లో అద్భుత ప్రదర్శన చేసినట్లుగానే ఈ సిరీస్లోనూ బాగా ఆడుతానని ధీమా వ్యక్తం చేశాడు.
"నా బ్యాటింగ్ స్థానం ఫార్మాట్, జట్టు నిర్ణయంపై ఆధారపడి ఉంటుంది. గతసారి వన్డే సిరీస్లో ఐదో స్థానంలో బ్యాటింగ్ చేయడాన్ని బాగా ఆస్వాదించాను. జట్టు ఏ స్థానంలో ఆడమన్నా నేను సంతోషమే. ఈ ఐపీఎల్లో బాగా ఆడి మంచి అనుభూతిని పొందాను. అదే ప్రదర్శనను ఆస్ట్రేలియాపైనా పునరావృతం చేయాలనుకుంటున్నా. అయితే ఆసీస్తో సిరీస్ సవాల్తో కూడుకున్నది. కానీ ఈ సిరీస్ను ఆస్వాదిస్తూ.. నా వరకు మంచిగా ఆడటానికి ప్రయత్నిస్తాను. మిగతా ఆటగాళ్లను చూసుకోవడం కోసం సారథి విరాట్ కోహ్లీ ఉండనే ఉన్నాడు. కాబట్టి నా పని ఇంకా తేలికవుతుంది.''
-కేఎల్ రాహుల్, టీమ్ఇండియా క్రికెటర్.
సాధారణంగా పరిమిత ఓవర్ల సిరీస్కు వైస్ కెప్టెన్ రోహిత్ శర్మ. కానీ ఐపీఎల్లో గాయపడ్డ కారణంగా ఈ సిరీస్కు హిట్మ్యాన్ దూరమయ్యాడు. ఈ నేపథ్యంలో తాత్కాలిక వైస్ కెప్టెన్గా రాహుల్ వ్యవహరిస్తున్నాడు. ఇటీవల ముగిసిన ఐపీఎల్లో 14 మ్యాచులు ఆడిన రాహుల్.. అత్యధికంగా 674 పరుగులు చేసిన ఆటగాడిగా నిలిచి ఆరెంజ్ క్యాప్ను సొంతం చేసుకున్నాడు.
ఇదీ చూడండి : 'కోహ్లీ గైర్హాజరీ టీమ్ఇండియాకు ప్రతికూలాంశం'
