దేశ భద్రత దృష్ట్యా ప్రముఖ గేమ్ 'పబ్జీ' సహా 118 చైనా యాప్లను భారత ప్రభుత్వం ఇటీవల నిషేధించింది. ఈ నేపథ్యంలో పబ్జీని ఎంతో ఇష్టంగా ఆడే ధోనీపై నెట్టింట్లో మీమ్స్ వైరల్ అయ్యాయి. 'మహీ ఇకపై ఏ ఆట ఆడుతాడో మరి?' అంటూ నెటిజన్లు ట్రోల్ చేశారు. తాజాగా దీనిపై స్పందించిన టీమ్ఇండియా బౌలర్ దీపక్ చాహర్.. మహీకి ఈ ఆటపై ఎప్పుడో పట్టు తప్పిందని చెప్పాడు. బ్యాన్ చేయకముందే కాల్ ఆఫ్ డ్యూటీ(కాడ్) అనే మరో గేమ్ను ఆడటం ప్రారంభించాడని తెలిపాడు. అయితే తాను మాత్రం ఆ ఆటను కొనసాగిస్తున్నట్లు చెప్పాడు.
"పబ్జీ.. ఇంకా ఆ గేమ్ను ఆడుతున్నా. కానీ ధోనీ ఆడట్లేదు. దానిపై మహీకి పట్టు పోయింది. ఎక్కడి నుంచి ఎవరు కాలుస్తున్నారో కనిపెట్టలేకపోతున్నాడు. అతడు ఇప్పుడు మరో గేమ్ 'కాల్ ఆఫ్ డ్యూటీ'తో బిజీగా ఉంటున్నాడు" అని చాహర్ చెప్పాడు.
ధోనీతో పాటు క్రికెటర్స్ కేఎల్ రాహుల్, కేదర్ జాధవ్, హార్దిక్ పాండ్య, యుజ్వేంద్ర చాహల్, శిఖర్ ధావన్ కూడా పబ్జీ ఆట ప్రియులే. ప్రస్తుతం ఐపీఎల్ కోసం దుబాయ్లో ఉన్న ధోనీ, చాహర్.. క్వారంటైన్లో గడుపుతున్నారు. సెప్టెంబరు 19 నుంచి నవంబరు 10 వరకు బయోసెక్యూర్ వాతావరణంలో ఈ లీగ్ జరగనుంది.
ఇదీ చూడండి ఐపీఎల్: తొలి మ్యాచ్ సీఎస్కే-ముంబయి మధ్యనే!
