ఐపీఎల్ ప్రాక్టీసులో భాగంగా ప్రస్తుతం సొంతగడ్డపై ఉన్న చెన్నై సూపర్కింగ్స్ త్వరలో ముంబయికి పయనం కానుంది. ఈ విషయాన్ని ఫ్రాంచైజీ సీఈఓ విశ్వనాథన్ చెప్పారు. మార్చి 26న అక్కడికి వెళ్లనున్నట్లు తెలిపారు. రైనా నేరుగా అక్కడికి చేరుకుంటారని అన్నారు.
ఐపీఎల్ పాలక మండలి రూపొందించిన కొవిడ్ నిబంధనల వల్ల ఈసారి సొంతగడ్డపై ఒక్క మ్యాచ్ కూడా చెన్నై ఆడటం కుదరదు. దీంతో ధోనీసేన ఆడే తొలి ఐదు మ్యాచ్లు ముంబయిలో జరగనున్న కారణంగా ప్రాక్టీసు క్యాంప్ను అక్కడికి మార్చినట్లు విశ్వనాథన్ వెల్లడించారు. ఏప్రిల్ 10న జరిగే తొలి మ్యాచ్లో దిల్లీ క్యాపిటల్స్తో సీఎస్కే తలపడనుంది.
చెన్నై సూపర్కింగ్స్ జట్టు:
రుతురాజ్ గైక్వాడ్, సురేశ్ రైనా, అంబటి రాయుడు, ఎన్ జగదీషన్(వికెట్ కీపర్), రాబిన్ ఉతప్ప, ధోనీ(కెప్టెన్-వికెట్ కీపర్), రవీంద్ర జడేజా, సామ్ కర్రన్, డ్వేన్ బ్రేవో, కరణ్ శర్మ, ఆర్ సాయి కిశోర్, మిచెల్ శాంటర్, ఇమ్రాన్ తాహిర్, దీపక్ చాహర్, శార్దుల్ ఠాకూర్, లుంగి ఎంగిడి, జోష్ హేజిల్వుడ్, కేఎమ్ ఆసిఫ్, మొయిన్ అలీ, కే గౌతమ్, ఛెతేశ్వర్ పుజారా, ఎమ్ హరిశంకర్ రెడ్డి, కే భగత్ వర్మ, సీ హరి నిషాంత్.
