రాబోయే ప్రపంచకప్లో భారత బ్యాటింగ్లో నాలుగో స్థానానికి మహేంద్ర సింగ్ ధోనియే సరైన వాడని మాజీ భారత బౌలర్ అనిల్ కుంబ్లే అన్నాడు. ఈ స్థానంలో ఆడే బ్యాట్స్మెన్ కోసం టీమిండియా కొన్ని సంవత్సరాలుగా అన్వేషిస్తోంది.
" కొన్నేళ్ల నుంచి భారత జట్టు విజయాల్లో టాప్3 బ్యాట్స్మెన్ ముఖ్య పాత్ర పోషిస్తున్నారు. నా ఆలోచన ప్రకారం నాలుగో స్థానానికి ధోనియే సరైన వ్యక్తి" - అనిల్ కుంబ్లే, మాజీ భారత బౌలర్, మాజీ కోచ్
2016లో న్యూజిలాండ్తో జరిగిన వన్డే సిరీస్లో ధోని నాలుగో స్థానంలో బ్యాటింగ్ చేసి ఆకట్టుకున్నాడు. దీంతో లోయర్ మిడిలార్డర్ బలహీన పడింది. అందుకే 5,6 స్థానాల్లోనే బ్యాటింగ్ చేస్తూ వచ్చాడీ మాజీ కెప్టెన్.
ఆస్ట్రేలియా సిరీస్కు ముందు రాయుడు నాలుగో స్థానంలో కుదురుకున్నట్లే కనిపించాడు. కానీ ఆస్ట్రేలియాతో ఆడిన అన్ని మ్యాచుల్లోనూ విఫలమయ్యాడు. అందుకే అతన్ని చివరి రెండు వన్డేలకు తప్పించి రాహుల్కు అవకాశమిచ్చారు. తన మూడో స్థానాన్ని రాహుల్కు ఇచ్చిన కోహ్లి..నాలుగులో బ్యాటింగ్కు వచ్చాడు.
