టీమ్ఇండియా మాజీ కెప్టెన్ ధోనీ, ఆస్ట్రేలియా దిగ్గజాలు డారెన్ లెహ్మన్, షేన్ వార్న్లు.. 'బిగ్గెస్ట్ క్రికెటింగ్ మైండ్స్' అని చెప్పాడు మాజీ అంపైర్ సైమన్ టాఫెల్. తన కెరీర్లో చూసిన వారిలో ఈ ముగ్గురూ ఆటను అర్ధం చేసుకోవడంలో అత్యుత్తమమని అన్నాడు.
"ధోనీని అద్భుతమైన ఆటగాడు. క్రికెట్లో అతడిది అత్యుత్తమ మైండ్స్లో ఒకటి. ఈ జాబితాలో ఆసీస్ దిగ్గజాలు డారెన్ లెహ్మన్, షేన్ వార్న్ కూడా ఉన్నారు. ఎంతో ప్రశాంతంగా, రిలాక్స్గా ఉండే ధోనీలో మంచి హాస్య చతురత ఉంది. కానీ దీని గురించి ఎవరికీ తెలియదు"
-సైమన్ టఫెల్, మాజీ అంపైర్
అయితే ధోనీని క్రికెట్కు సంబంధించిన వ్యక్తులు ప్రశంసించడం కొత్తేమి కాదు. ఎందుకంటే అతడు భారత తరఫున అద్భుత ప్రదర్శనలు చేయడం సహా టీ20 ప్రపంచకప్, వన్డే ప్రపంచకప్లను సాధించడంలో కీలకపాత్ర పోషించాడు. ఎన్నో మ్యాచ్ల్ని ఒంటిచేత్తో గెలిపించిన సందర్భాలు చాలానే ఉన్నాయి.
ధోనీతో తనకున్న అనుబంధాన్ని ఇటీవలే పంచుకున్న స్పిన్నర్ కుల్దీప్ యాదవ్.. వికెట్ల వెనక మహీభాయ్ ఉంటే కోచ్ అవసరం లేదని తెలిపాడు.
ఐపీఎల్ కోసం ధోనీ ప్రస్తుతం సిద్ధమవుతున్నాడు. చెన్నై సూపర్కింగ్స్ తరఫున బరిలోకి దిగనున్నాడు. యూఏఈలో సెప్టెంబరు 19నుంచి మ్యాచ్లు ప్రారంభం కానున్నాయి.
