టీమ్ఇండియా మాజీ కెప్టెన్ మహేంద్ర సింగ్ ధోనీకి.. బైక్, కార్ల పట్ల ఉన్న మక్కువ గురించి ప్రత్యేకంగా చెప్పనక్కర్లేదు. తన గ్యారేజీలోకి అడుగుపెడితే ఎన్నో రకాల వాహనాలు దర్శమిస్తాయి. తాజాగా ధోనీ సేకరణలో మరో కారు చేరినట్లు తెలుస్తోంది. అతని భార్య సాక్షి సింగ్ ఈ కారుకు సంబంధించిన వీడియోను ఇన్స్టాగ్రామ్లో పోస్ట్ చేసింది.
- " class="align-text-top noRightClick twitterSection" data="
">
"వెల్కమ్ టూ హోమ్.. రెడ్ బీస్ట్. ధోనీ ఇదిగో నీ కొత్త బొమ్మ. నిన్ను చాలా మిస్ అవుతున్నా". అంటూ రాసుకొచ్చింది.
పోంటియాక్ ఫైర్బర్డ్గా పిలిచే ఈ కారు చాలా అరుదైనది. మన దేశంలోని రోడ్లపై చాలా తక్కువగా కనిపిస్తుంది. అంతేకాదు, లెఫ్ట్హ్యాండ్ డ్రైవ్ దీని ప్రత్యేకత. పాతకాలం నాటి ఈ కారు సుమారు రూ.68 లక్షల వరకు ఉంటుందని అంచనా. ఇప్పటికే ధోనీ గ్యారేజీలో చాలా రకాల వాహనాలు కొలువై ఉన్నాయి. ఫెరారీ 599 జీటీఓ, హమ్మర్ హెచ్2, జీఎంసీ సియెర్రా బ్రాండ్లకు మాహీ యజమాని. ఇక ద్విచక్ర వాహనాల్లో కవాసాకి నింజా హెచ్2, కాన్ఫెడరేట్ హెల్కాట్, బీఎస్ఏ, సుజుకి హయాబుషా ఉన్నాయి.
- " class="align-text-top noRightClick twitterSection" data="
">
ఆగస్టు 15న అంతర్జాతీయ క్రికెట్కు వీడ్కోలు చెప్పాడు మాహీ. ఈ క్రమంలోనే ప్రపంచ వ్యాప్తంగా క్రికెటర్లు ధోనీపై ప్రశంసలు కురిపిస్తున్నారు. మరోవైపు యూఏఈ వేదికగా జరిగే ఐపీఎల్లో సీఎస్కే జట్టుకు కెప్టెన్గా వ్యవహరించనున్నాడు. సెప్టెంబరు 19న లీగ్ ప్రారంభం కానుంది.
