ఆస్ట్రేలియా మహిళల జట్టు ప్రపంచ రికార్డు సృష్టించింది. వన్డేల్లో వరుసగా అత్యధిక విజయాలు(22) నమోదు చేసిన జట్టుగా సరికొత్త ఫీట్ సాధించింది. 2003లో రికీ పాంటింగ్ సారథ్యంలోని ఆస్ట్రేలియా పురుషుల జట్టు 21 వరుస విజయాల రికార్డును.. తాజాగా మెగ్ లానింగ్ నేతృత్వంలోని టీమ్ అధిగమించింది.
ఇదో గొప్ప విజయం..
తాజా రికార్డుపై ఆసీస్ మహిళా జట్టు కెప్టెన్ మెగ్ లానింగ్ స్పందించింది. ఇదొక గొప్ప విజయమని సంతోషం వ్యక్తం చేసింది. గత మూడేళ్లుగా జట్టు నిలకడకు ఈ విజయం అద్దం పడుతుందని పేర్కొంది.
"సుదీర్ఘ కాలంలో ఇదొక గొప్ప విజయం. దీన్ని బట్టి మేమేంత స్థిరమైన క్రికెట్ ఆడామో తెలుస్తోంది. వెనక్కి తిరిగి చూసుకుంటే మాకు బలమైన జట్టు కనిపిస్తోంది. టీమ్లో అందరూ కీ ప్లేయర్స్గా ఉన్నారు. జట్టు సమతూకంగా కనిపిస్తోంది. మేము దూకుడైన క్రికెట్ ఆడటానికి ఇష్టపడతాము."
-మెగ్ లానింగ్, ఆసీస్ మహిళా జట్టు కెప్టెన్.
మౌంట్ మాంగనుయ్ వేదికగా కివీస్ మహిళలతో జరిగిన తొలి వన్డేలో ఆసీస్.. ఆరు వికెట్ల తేడాతో గెలుపొందింది. తొలుత బ్యాటింగ్కు దిగిన ఆతిథ్య జట్టు 48.5 ఓవర్లలో 212 పరుగులకు ఆలౌటైంది. లక్ష్య ఛేదనలో పర్యటక జట్టుకు శుభారంభమేమీ దక్కలేదు. 37 పరుగులకే ఓపెనర్ల వికెట్లను కోల్పోయింది. హీలి, పెర్రీ, గార్డెనర్ అర్ధ సెంచరీలతో రాణించారు. దీంతో ఆ జట్టు 38.3 ఓవర్లలో లక్ష్యాన్ని ఛేదించింది.
ఇదీ చదవండి: ఐపీఎల్: ఆర్సీబీ ఓపెనర్ పడిక్కల్కు కరోనా
