అశ్విన్​ 'మన్కడింగ్​'పై ఎంసీసీ యూటర్న్​

ఐపీఎల్​లో రేగిన మన్కడింగ్ వివాదం ఇప్పట్లో సమసిపోయేలా లేదు. మన్కడింగ్ పెద్ద తప్పేమీ కాదంటూ చెప్పిన మెల్​​బోర్న్​ క్రికెట్​ క్లబ్.. తాజాగా యూటర్న్ తీసుకుంది. అశ్విన్ క్రీడా స్ఫూర్తికి వ్యతిరేకంగా​ ప్రవర్తించినట్లు ఆరోపణలు చేసింది.

మన్కడింగ్​ విషయంలో అశ్విన్​కు మద్దతు పలికిన ఎంసీసీ.. తాజాగా మాట మార్చింది. రనౌట్ నిర్ణయం సరైనదంటూ అభిప్రాయపడిన ఎంసీసీ ఒక్కరోజులోనే మరో మాట మాట్లాడటం క్రికెట్​ అభిమానులను విస్మయానికి గురిచేసింది.

"ఘటనపై పూర్తి విచారణ అనంతరం ఇది క్రీడా స్ఫూర్తికి విరుద్ధంగా జరిగిందని తేల్చాం. బంతి వేయడానికి అశ్విన్ ఎక్కువ సమయం తీసుకున్నాడు. నాన్​ స్ట్రైకర్​ ఎండ్​లో ఉన్న బట్లర్ ఊహించిన సమయం కంటే బంతి ఆలస్యంగా వేశాడు."
- ఫ్రేజర్​ స్టీవార్ట్​,ఎంసీసీ మేనేజర్​

ఒకరోజు క్రితం ఎంసీసీ ఏం చెప్పింది..??

'ఉద్దేశపూర్వకంగానో, లాభం కోసమో నాన్​ స్ట్రైకర్​ క్రీజు దాటితే హెచ్చరిక ఇవ్వాల్సిన అవసరం లేదు. ఇది క్రికెట్​ నిబంధనలో ఉంది. అలాంటి సమయంలో చేసిన రనౌట్​ క్రీడా స్ఫూర్తికి వ్యతిరేకం కాదు' అంటూ అశ్విన్​ చర్యను సమర్థించింది. బంతి వేయకుండానే నాన్​ స్ట్రైకర్ లైన్​ దాటడం తప్పు అంటూ బట్లర్ చర్యను పరోక్షంగా తప్పుపట్టింది.

నిబంధన 41.16 పై వివరణ ఇచ్చిన 'మెరిల్​బోన్​ క్రికెట్​ క్లబ్'

• ఎంసీసీ అంటే..

మెల్​బోర్న్​ క్రికెట్​ క్లబ్​ 1788లో క్రికెట్​ నిబంధనలు రూపొందించింది. ప్రస్తుతం ఈ అంశాన్ని అంతర్జాతీయ క్రికెట్​ కౌన్సిల్​ (ఐసీసీ) చూస్తోంది. ఈ నిబంధనల అంశాలపై కాపీరైట్ హక్కులు మాత్రం ఎంసీసీ పేరిట ఉన్నాయి.