టీమిండియా ఓపెనర్ మయాంక్ అగర్వాల్(105) మరో శతకంతో ఆకట్టుకున్నాడు. పుణె వేదికగా జరుగుతోన్న భారత్-దక్షిణాఫ్రికా రెండో టెస్టులో 188 బంతుల్లో 105 పరుగులు చేసి, కెరీర్లో రెండో సెంచరీ నమోదు చేశాడు. ఇందులో 16 ఫోర్లు, 2 సిక్సర్లు ఉన్నాయి. ప్రస్తుతం బ్యాటింగ్ కొనసాగిస్తూ.. దక్షిణాఫ్రికా బౌలర్లను దీటుగా ఎదుర్కొంటున్నాడు.
విశాఖపట్నం వేదికగా జరిగిన తొలిటెస్టులో ద్విశతకం(215) చేసిన మయాంక్.. ఈ మ్యాచ్లోనూ సత్తాచాటుతున్నాడు. దక్షిణాఫ్రికాపై ఇలా వరుస సెంచరీలు చేసిన రెండో టెస్టు ఓపెనర్గా రికార్డు సృష్టించాడు. 2009-10 సీజన్లో వీరేంద్ర సెహ్వాగ్ ఈ ఘనత అందుకున్నాడు.
టాస్ గెలిచి బ్యాటింగ్ ఎంచుకున్న టీమిండియా.. ఆరంభంలోనే రోహిత్ శర్మ(14) వికెట్ కోల్పోయింది. అనంతరం బ్యాటింగ్కు దిగిన పుజారాతో ఇన్నింగ్స్ను చక్కదిద్దాడు మయాంక్. వీరిద్దరూ 138 పరుగుల భాగస్వామ్యం నెలకొల్పారు. చతేశ్వర్ పుజారా(58) అర్ధశతకం చేసి రబాడా బౌలింగ్లో ఔటయ్యాడు. ప్రస్తుతం కోహ్లీ(4), మయాంక్ క్రీజులో ఉన్నారు.
ఇదీ చదవండి: విరాట్ కోహ్లీ.. పాకిస్థాన్లో ఆడవా: పాక్ అభిమాని
