శ్రీలంక స్టార్ బౌలర్ లసిత్ మలింగ రిటర్మెంట్పై యూటర్న్ తీసుకున్నాడు. 2020 టీ20 ప్రపంచకప్ అనంతరం వీడ్కోలు పలుకుతాడనుకున్న ఈ ఆటగాడు.. ఈ నిర్ణయాన్ని మరో రెండేళ్లకు వాయిదా వేశాడు. తనలో క్రికెట్ ఆడే సత్తా ఇంకా ఉందని తెలిపాడు.
"టీ20ల్లో నాలుగు ఓవర్లే బౌలింగ్ చేసేది. నా నైపుణ్యం మీద నాకు నమ్మకం ఉంది. పొట్టి ఫార్మాట్లో మరో రెండేళ్లు బౌలర్గా కొనసాగుదామనుకుంటున్నా. కెప్టెన్గానూ రాణిస్తానని అనుకుంటున్నా" -లసిత్ మలింగ, లంక టీ20 కెప్టెన్
పొట్టి ఫార్మాట్లో 100 వికెట్లు తీసిన ఈ పేసర్.. లంక జట్టుకు నైపుణ్యంగల బౌలర్ కావాలని చెప్పాడు.
"శ్రీలంక జట్టులో స్థిరమైన ప్రదర్శన చేసే బౌలర్ కరవయ్యాడు. మాకు నైపుణ్యం గల పేసర్ కావాలి. ఏడాది, ఏడాదిన్నరలో అది కుదరదు. స్థిరంగా ఆడడం చాలా ముఖ్యం. భవిష్యత్తులో ఎవరైతే జట్టులోకి వస్తారో ఈ విషయం గమనించాలి. రిజర్వ్ బెంచ్లో ఉంటే నేర్చుకోలేరు" - లసిత్ మలింగ, లంక టీ20 కెప్టెన్.
2020 ప్రపంచకప్ అనంతరం అక్టోబరు, నవంబరు మాసాల్లో రిటైర్మెంట్ చెబుతానంటూ ఈ ఏడాది మార్చిలోనే ప్రకటించాడు మలింగ. ఈ స్టార్ పేసర్ పొట్టి ఫార్మాట్లో మళ్లీ కెప్టెనయ్యాక.. లంక జట్టు ఆడిన 10 టీ20ల్లో 8 ఓడింది. ఒక మ్యాచ్లో గెలవగా.. ఓ మ్యాచ్ టై అయింది.
ఇదీ చదవండి:"బౌండరీ కౌంట్ నిర్ణయం.. సరైన క్రికెట్ కాదు"
