గతేడాది టెస్టుల్లో వెయ్యి పరుగులు చేసిన ఏకైక ఆటగాడిగా రికార్డు సృష్టించాడు ఆస్ట్రేలియా క్రికెటర్ లబుషేన్. హ్యాట్రిక్ సెంచరీలతోనూ ఔరా అనిపించాడు. 2020లోనూ అదే జోరును కొనసాగిస్తున్నాడు. న్యూజిలాండ్తో జరుగుతోన్న మూడో టెస్టులో శతకం చేశాడు. ఫలితంగా ఈ ఏడాది తొలి టెస్టు సెంచరీ చేసిన ఆటగాడిగా ఘనత సాధించాడు.
మొత్తంగా లబుషేన్ కెరీర్‌లో 13 టెస్టులు ఆడి.. 4 సెంచరీలు, 6 హాఫ్‌ సెంచరీలు నమోదు చేశాడు. 60కి పైగా సగటుతో 56కు పైగా స్టైక్‌రేట్‌తో ఆసీస్ విజయాల్లో కీలకపాత్ర పోషిస్తున్నాడు. గత ఐదు టెస్టుల్లో నాలుగు సెంచరీలు సాధించడం చూస్తేనే తెలుస్తోంది అతడు ఎంతటి ఫామ్లో ఉన్నాడో.
న్యూజిలాండ్తో ఆఖరిదైన మూడో టెస్టులో ఆసీస్ టాస్‌ గెలిచి బ్యాటింగ్‌ ఎంచుకుంది. ఓపెనర్ బర్న్స్‌(18) విఫలమయినా.. వార్నర్‌ 45 పరుగులు చేసి ఔటయ్యాడు. అనంతరం లబుషేన్.. స్టీవ్‌ స్మిత్‌తో కలిసి భారీ భాగస్వామ్యం దిశగా దూసుకెళ్తున్నారు. ఈ క్రమంలో స్మిత్ హాఫ్‌ సెంచరీ సాధించగా, ఫస్ట్‌ డౌన్‌లో వచ్చిన లబుషేన్ సెంచరీ చేశాడు.
ఇవీ చూడండి.. 'నీతో ఉంటే.. నన్ను నేను ఇష్టపడతా'
