ఐపీఎల్ కోసం నెట్స్లో బ్యాటింగ్ ప్రాక్టీసు మొదలుపెట్టాడు కింగ్స్ ఎలెవన్ పంజాబ్ కెప్టెన్ కేఎల్ రాహుల్. తాను బ్యాటింగ్ చేస్తున్న వీడియోను తాజాగా సోషల్మీడియాలో పంచుకున్నాడు. 'నా చెవులకిదే సంగీతం' అనే క్యాప్షన్తో పోస్ట్ చేశాడీ స్టార్ బ్యాట్స్మన్.
- " class="align-text-top noRightClick twitterSection" data="
">
కింగ్స్ ఎలెవన్ పంజాబ్ కెప్టెన్గా ఉండటం సహా క్రిస్ గేల్, గ్లెన్ మ్యాక్స్వెల్ వంటి దిగ్గజ ఆటగాళ్లతో ఆడేందుకు తాను ఎంతో ఆసక్తిగా ఎదురుచూస్తున్నట్లు ఇటీవలే వెల్లడించాడు రాహుల్.
"ఐపీఎల్ టోర్నీని ఎంతగానో మిస్ అవుతున్నా. రాబోయే సీజన్ నాకెంతో ప్రత్యేకమైంది. దానికోసం ఆసక్తిగా ఎదురుచూస్తున్నా. ఎందుకంటే ఈసారి జట్టుకు నాయకత్వ బాధ్యతలు స్వీకరించబోతున్నా. అలాగే మా జట్టులో ఉత్తమమైన ఆటగాళ్లు ఉన్నారు."
-కేఎల్ రాహుల్, కింగ్స్ ఎలెవన్ పంజాబ్ కెప్టెన్
గతేడాది నవంబరులో జరిగిన ఐపీఎల్ వేలంలో అశ్విన్ను దిల్లీ జట్టు కొనుగోలు చేయడం వల్ల పంజాబ్ జట్టుకు తొలిసారి కెప్టెన్గా బాధ్యతలు స్వీకరించనున్నాడు రాహుల్. 2018లో రూ.11 కోట్లకు రాహుల్ను పంజాబ్ జట్టు సొంతం చేసుకుంది.
