లాక్డౌన్లో ఇంటికే పరిమితమైన క్రీడాకారులు సామాజిక మాధ్యమాల ద్వారా అభిమానులకు దగ్గరగా ఉంటున్నారు. ఈ క్రమంలో ఇన్స్టాగ్రామ్లో పోస్ట్లు చేస్తూ డబ్బులూ సంపాదిస్తున్నారు. వారిలో పోర్చుగల్ ఫుట్బాల్ ప్లేయర్ క్రిస్టియానో రొనాల్డో ముందున్నాడు. లాక్డౌన్లో ఇన్స్టాలో చేసిన పోస్టులతో ఏకంగా రూ 17.21 కోట్లను ఆర్జించాడు. ఇన్స్టాలో పోస్టుల ద్వారా అత్యధికంగా సంపాదించే టాప్-10 క్రీడాకారుల్లో టీమ్ఇండియా కెప్టెన్ విరాట్ కోహ్లీ కూడా స్థానం సంపాదించాడు.
కేవలం మూడు ఫొటోలతో
మార్చి 12 నుంచి మే 14 వరకు విధించిన లాక్డౌన్ సమయంలో ప్రపంచవ్యాప్తంగా ఉన్న క్రీడాకారుల సోషల్మీడియా ఆర్జన వివరాలను ఓ మేనేజ్మెంట్ కన్సల్టింగ్ కంపెనీ సేకరించింది. ఈ విరామ సమయంలో కోహ్లీ చేసిన పోస్టుల ద్వారా రూ.3.62 కోట్లను ఆర్జించడం సహా.. ప్రపంచవ్యాప్తంగా ఇన్స్టా పోస్టుల ద్వారా అత్యధికంగా సంపాదిస్తోన్న క్రీడాకారుల్లో ఆరో స్థానానికి చేరాడు. కేవలం మూడు ఫొటోలను షేర్ చేయగా.. ఒక్కొక్క చిత్రానికి రూ.1.20 కోట్లను సంపాదించాడు. అదే విధంగా పోర్చుగల్ ఫుట్బాల్ సూపర్స్టార్ క్రిస్టియానో రొనాల్డో.. ఈ లాక్డౌన్లో ఇన్స్టా పోస్టుల ద్వారా రూ.17.21 కోట్లను ఆర్జించాడని ఓ నివేదిక తెలిపింది.
ఇన్స్టా పోస్టుల ద్వారా అత్యధికంగా ఆర్జిస్తోన్న క్రీడాకారులు:
| ర్యాంక్ | క్రీడాకారుడు | క్రీడ | సంపాదన |
| 1) | క్రిస్టియానో రొనాల్డో | ఫుట్బాల్ | రూ. 17.21 కోట్లు |
| 2) | లియోనల్ మెస్సీ | ఫుట్బాల్ | రూ. 11.45 కోట్లు |
| 3) | నెయ్మెర్ | ఫుట్బాల్ | రూ. 10.50 కోట్లు |
| 4) | షాకిల్ ఓ నీల్ | బాస్కెట్ బాల్ | రూ. 5.57 కోట్లు |
| 5) | డేవిడ్ బెక్హామ్ | ఫుట్బాల్ | రూ. 3.87 కోట్లు |
| 6) | విరాట్ కోహ్లీ | క్రికెట్ | రూ. 3.62 కోట్లు |
ఇదీ చూడండి... ఆరోన్ ఫించ్ జట్టులో రోహిత్కు దక్కని చోటు
