సచిన్ తెందుల్కర్ వీడ్కోలు టెస్టులో క్రిస్ గేల్, తాను ఏడవద్దని అనుకున్నామని.. కానీ కన్నీళ్లు ఆపుకోలేకపోయామని వెస్టిండీస్ ఆల్రౌండర్ కిర్క్ ఎడ్వర్డ్స్ అన్నాడు.
2013లో విండీస్తో జరిగిన సిరీస్లో రెండో టెస్టుతో సచిన్ అంతర్జాతీయ క్రికెట్కు రిటైర్మెంట్ ప్రకటించారు. ఆ మ్యాచ్ సచిన్ 200వ టెస్టు కావడం విశేషం. తుది జట్టులో లేకపోయినప్పటికీ ఆ మ్యాచ్ తనకు భావోద్వేగాలను మిగిల్చిందని ఎడ్వర్డ్స్ అన్నాడు.
"సచిన్ 200వ టెస్టు మ్యాచ్కు నేను అక్కడే ఉన్నా. ఆ మ్యాచ్ నాకెంతో భావోద్వేగాన్ని కలిగించింది. గేల్ పక్కనే నేను ఉన్నా. సచిన్ ఔటై పెవిలియన్ చేరుతుంటే ఎడవద్దు అనుకున్నాం. కానీ కన్నీళ్లు ఆపుకోలేకపోయాం. అలాంటి దిగ్గజ ఆటగాడిని మళ్లీ మైదానంలో చూడలేమనే ఆలోచనే బాధను కలిగించింది" అని ఎడ్వర్డ్స్ తెలిపాడు.
ఇదీ చూడండి:'ఆ విషయంలో తొందపాటు పనికిరాదు'
