చెన్నై సూపర్ కింగ్స్ పేసర్ జోష్ హెజిల్వుడ్ ఐపీఎల్ 14వ సీజన్ నుంచి తప్పుకొన్నాడు. లీగ్లో పాల్గొనేందుకు ఇతడు ఈరోజు భారత్కు బయల్దేరాల్సి ఉంది. కానీ వ్యక్తిగత కారణాల వల్ల ఈ టోర్నీ నుంచి వైదొలుగుతున్నట్లు వెల్లడించాడు హెజిల్వుడ్.
"వివిధ టోర్నీల కారణంగా 10 నెలలుగా బయోబబుల్, క్వారంటైన్లో గడిపా. అందుకే నాకు కొంత విశ్రాంతితో పాటు కుటుంబంతో సమయం గడపటం అవసరం అనిపించింది. అందుకోసం ఇంటివద్ద రెండు నెలలు ఉండాలనుకుంటున్నా. తర్వాత వెస్టిండీస్, బంగ్లాదేశ్ సిరీస్ల్లో పాల్గొంటా. ఈ ఏడాది టీ20 ప్రపంచకప్తో పాటు యాషెస్ సిరీస్ ఉంది. అందువల్ల వచ్చే 12 నెలలు చాలా కఠినంగా ఉండబోతుంది. అందుకోసం నేను మానసికంగా, శారీరకంగా దృడంగా ఉండాలనుకుంటున్నా. అందుకే ఈ నిర్ణయం తీసుకున్నా."
