చెన్నై సూపర్ కింగ్స్ పేసర్ జోష్ హెజిల్వుడ్ ఐపీఎల్ 14వ సీజన్ నుంచి తప్పుకొన్నాడు. లీగ్లో పాల్గొనేందుకు ఇతడు ఈరోజు భారత్కు బయల్దేరాల్సి ఉంది. కానీ వ్యక్తిగత కారణాల వల్ల ఈ టోర్నీ నుంచి వైదొలుగుతున్నట్లు వెల్లడించాడు హెజిల్వుడ్.
"వివిధ టోర్నీల కారణంగా 10 నెలలుగా బయోబబుల్, క్వారంటైన్లో గడిపా. అందుకే నాకు కొంత విశ్రాంతితో పాటు కుటుంబంతో సమయం గడపటం అవసరం అనిపించింది. అందుకోసం ఇంటివద్ద రెండు నెలలు ఉండాలనుకుంటున్నా. తర్వాత వెస్టిండీస్, బంగ్లాదేశ్ సిరీస్ల్లో పాల్గొంటా. ఈ ఏడాది టీ20 ప్రపంచకప్తో పాటు యాషెస్ సిరీస్ ఉంది. అందువల్ల వచ్చే 12 నెలలు చాలా కఠినంగా ఉండబోతుంది. అందుకోసం నేను మానసికంగా, శారీరకంగా దృడంగా ఉండాలనుకుంటున్నా. అందుకే ఈ నిర్ణయం తీసుకున్నా."
-హెజిల్వుడ్, ఆస్ట్రేలియా పేసర్
ఇప్పటివరకు టోర్నీ నుంచి వైదొలిగిన మూడో ఆస్ట్రేలియా ఆటగాడు హెజిల్వుడ్. ఇప్పటికే జోష్ ఫిలిప్, మిచెల్ మార్ష్ ఈ లీగ్ నుంచి తప్పుకొన్నారు. సన్రైజర్స్ హైదరాబాద్ ఆల్రౌండర్ మిచెల్ మార్ష్ ఐపీఎల్కు దూరమవగా ఇతడి స్థానంలో జాసన్ రాయ్ను ఎంపిక చేసుకుంది ఫ్రాంచైజీ. అలాగే ఆర్సీబీ యువ బ్యాట్స్మన్ జోష్ ఫిలిప్ కూడా టోర్నీ నుంచి వైదొలిగాడు. వ్యక్తిగత కారణాల వల్ల తప్పుకొంటున్నట్లు వెల్లడించాడు.
గతేడాది చెన్నై సూపర్ కింగ్స్ తరఫున మూడు మ్యాచ్లు ఆడాడు హెజిల్వుడ్. అలాగే తుదిజట్టులో చోటు కోసం మొయిన్ అలీ, సామ్ కరన్, లుంగి ఎంగిడి, డ్వేన్ బ్రావోలతో పోటీపడుతున్నాడు.
