ఐపీఎల్ కొత్త సీజన్ మొదలు కావడానికి మరో నెలపైగా సమయం ఉంది. ఇలాంటప్పుడే రాజస్థాన్ రాయల్స్కు ఎదురుదెబ్బ తగిలింది. గత రెండేళ్లుగా ఈ ఫ్రాంచైజీకి ఆడుతున్న ఇంగ్లాండ్ ఆల్రౌండర్ జోఫ్రా ఆర్చర్.. ఈ సీజన్కు దూరమయ్యాడు. మోచేతికి గాయం కావడం వల్ల వైదొలిగాడు.
ఇప్పటికే దక్షిణాఫ్రికాతో టీ20 సిరీస్, శ్రీలంకతో టెస్టు సిరీస్ నుంచి తప్పుకున్న ఆర్చర్.. ఐపీఎల్కు అందుబాటులో ఉండటం లేదని సామాజిక మాధ్యమాల వేదికగా ప్రకటించాడు. సుదీర్ఘంగా క్రికెట్ ఆడుతున్న ఆర్చర్కు కనీసం రెండు నెలలైనా విశ్రాంతి అవసరమని వైద్యులు చెప్పారు.
ఇటీవలే సఫారీలతో జరిగిన టెస్టు సిరీస్లో తొలి మ్యాచ్ ఆడిన ఆర్చర్.. కుడి మోచేతికి పుండ్లు కావడం వల్ల ఆ సిరీస్లోని మిగతా మ్యాచ్లకు దూరమయ్యాడు. ప్రస్తుతం ఇదే జట్టుతో జరుగుతున్న వన్డే సిరీస్లోనూ ఆర్చర్ లేడు. వచ్చే నెల్లో జరిగే టెస్టు సిరీస్కు పక్కన పెట్టారు. ఈ క్రమంలోనే ఐపీఎల్కు దూరమయ్యాడు. మార్చి 29 నుంచి ప్రారంభం కానుంది ఐపీఎల్ 13వ సీజన్.
2018లో ఐపీఎల్లో అడుగుపెట్టిన ఆర్చర్.. రాజస్థాన్ రాయల్స్ తరఫున ఆ సీజన్లో 15 వికెట్లు తీశాడు. తర్వాతి ఏడాది 11 వికెట్లు తీయడం సహా బ్యాట్తోనూ మెరిశాడు.
ఇదీ చదవండి: జోఫ్రా జోస్యం మళ్లీ నిజమైంది!
