కరోనా తర్వాత ప్రపంచవ్యాప్తంగా క్రీడలన్నీ పునఃప్రారంభమవుతున్నాయి. ఇందులో క్రికెట్ కూడా ఒకటి. ఈ నేపథ్యంలో సరిహద్దు ఉద్రిక్తతల కారణంగా చాలా కాలంగా నిలిచిపోయిన భారత్-పాక్ సిరీస్పై స్పందించారు దాయాది దేశ ప్రధాని ఇమ్రాన్ ఖాన్. ఇదే అదనుగా చూసి మరోసారి భారత్పై అక్కసు వెళ్లగక్కారు.
వాస్తవ పరిస్థితులను చక్కదిద్దటం విస్మరించి.. భారత ప్రభుత్వ వైఖరి వల్లే ఇరు జట్ల మధ్య సిరీస్ జరగట్లేదని ఆరోపించారు ఇమ్రాన్. ప్రస్తుతం రెండు దేశాల మధ్య మ్యాచులు జరిగితే.. మైదానంలో భయంకరమైన వాతవరణం ఏర్పడటానికి దారితీస్తుందని అభిప్రాయపడ్డారు.
ఇటీవల పాక్ మాజీ క్రికెటర్ షోయబ్ అక్తర్.. పాక్-భారత్ మధ్య ద్వైపాక్షిక సిరీస్ను తిరిగి ప్రారంభించాలని అభిప్రాయడ్డాడు. తద్వారా ఈ సిరీస్ ద్వారా వచ్చిన నగదును కరోనా బాధితులకు వినియోగించాలని చెప్పాడు. అయితే దీనిపై స్పందించిన భారత్కు చెందిన పలువురు క్రికెటర్లు.. ఇది జరగదని కరాఖండిగా చెప్పారు.
అప్పుడే ఆడింది
చివరిసారిగా భారత్-పాక్ మధ్య 2012 డిసెంబరు 25 నుంచి 2013 జనవరి 6 వరకు మూడు వన్డేలు, రెండు టీ20లతో కూడిన ద్వైపాక్షిక సిరీస్ జరిగింది. 2019లో ఐసీసీ ప్రపంచకప్లో వీరిద్దరు తలపడగా భారత్ తిరుగులేని విజయాన్ని సాధించింది.
వైఖరి మార్చుకుంటేనే
చాలా కాలంగా భారత్-పాక్ సరిహద్దు వద్ద హింసాత్మక ఘటనలు చోటుచేసుకుంటున్నాయి. పాక్ సైన్యం కాల్పుల విరమణ ఒప్పందం ఉల్లంఘనకు పాల్పడుతూ కయ్యానికి కాలు దువ్వుతోంది. తమ వైఖరి మార్చుకోవాలని దాయాది దేశ ప్రభుత్వానికి భారత్ ఎన్నో సార్లు హెచ్చరికలు కూడా జారీ చేసింది. ఈ నేపథ్యంలోనే ఇరు దేశాల మధ్య సిరీస్లు నిలిచిపోయాయి. పాక్ తన కపట బుద్ధిని మార్చుకుంటేనే యథావిధిగా మ్యాచులు జరుగుతాయని క్రీడా విశ్లేషకుల వాదన.
ఇది చూడండి 'తొలి టెస్టు తర్వాతే ధోనీ రిటైర్మెంట్ షాక్'
