ఆస్ట్రేలియాతో టెస్టు సిరీస్కు ముందు టీమ్ఇండియాకు ఎదురుదెబ్బ తగిలింది. ఈ సిరీస్ కోసం ఎంపికైన బౌలర్ ఇషాంత్ శర్మ గాయం కారణంగా పూర్తిగా వైదొలగుతున్నట్లు బీసీసీఐ ప్రకటించింది.
పక్కటెముకల గాయం కారణంగా ఐపీఎల్ మధ్యలోనే ఇషాంత్ శర్మ నిష్క్రమించాడు. ఆస్ట్రేలియాతో టెస్టు సిరీస్ కోసం బెంగళూరులోని జాతీయ క్రికెట్ అకాడమీలో పునరావాసంలో ఉంటూ సాధన చేస్తున్నాడు. ఇషాంత్ గాయం నుంచి పూర్తిగా కోలుకున్నా.. ఫిట్నెస్ పట్టు సాధించకపోవడం వల్ల అతడిని టెస్టు సిరీస్ కోసం తీసుకోవట్లేదని తెలుస్తోంది.
బ్యాకప్ బౌలర్గా నటరాజన్
టెస్టు సిరీస్లో రోహిత్ శర్మ పాల్గొనే విషయంపై త్వరలో స్పష్టత రానుంది. అతడికి ఫిట్నెస్ పరీక్ష నిర్వహించిన తర్వాత ఆస్ట్రేలియా పర్యటనకు అతడు అర్హుడా? లేదా? అనే విషయం తెలుస్తుంది. ఐపీఎల్‌లో సన్రైజర్స్ హైదరాబాద్ జట్టు త‌ర‌ఫున రాణించిన పేసర్ నటరాజన్ను వన్డే జట్టుకు ఎంపిక చేశారు. అయితే జట్టులోని బౌలర్ సైనీకి వెన్నునొప్పి కారణంగా నటరాజన్ను బ్యాకప్గా ఎంచుకున్నారు.
