చెన్నై వేదికగా టీమిండియాతో జరిగిన తొలి వన్డేలో 'శతక' ప్రదర్శన చేశాడు వెస్టిండీస్ బ్యాట్స్మన్ షై హోప్. తాజాగా ఇతడు ఈ ఏడాది వన్డేల్లో అత్యధిక పరుగులు సాధించిన మూడో బ్యాట్స్మన్గా రికార్డు సృష్టించాడు. అయితే భారత్తో జరగనున్న చివరి రెండు వన్డేల్లో సత్తా చాటి.. తొలి రెండు స్థానాల్లో ఉన్న విరాట్-రోహిత్ను అధిగమించడమే లక్ష్యమని చెప్తున్నాడీ కరీబియన్ స్టార్.
వేలం రెండో ప్రాధాన్యం...
విశాఖపట్నం వేదికగా రేపు (డిసెంబర్ 18న) రెండో వన్డేలో తలపడనున్నాయి భారత్-విండీస్ జట్లు. ఈ మ్యాచ్ తర్వాత 19న కోల్కతాలో ఐపీఎల్-2020 వేలంపాట జరగనుంది. అయితే తన తొలి ప్రాధాన్యం వన్డేలని తర్వాతే ఐపీఎల్ వేలంపాట అని చెప్పాడు హోప్.
"కచ్చితంగా ఐపీఎల్ వేలానికి సంబంధించి చాలా మందికి ఒత్తిడి ఉంటుంది. కానీ నాకైతే అలా కాదు. భారత్తో సిరీస్ ముఖ్యమైంది. ఇక్కడ పరుగులు చేయడమే నా ముందున్న లక్ష్యం. ఈ క్రమంలోనే కోహ్లీ, రోహిత్‌ల రికార్డులను బ్రేక్‌ చేయాలని ఉంది".
-షై హోప్, వెస్టిండీస్ క్రికెటర్
టాప్-2 మనోళ్లే...
ఈ ఏడాది అత్యధిక వన్డే పరుగుల వీరుల జాబితాలో కోహ్లీ(1292), రోహిత్ శర్మ(1268)లు తొలి రెండు స్థానాల్లో ఉన్నారు. హోప్ 1225 రన్స్తో మూడో స్థానంలో కొనసాగుతున్నాడు. వన్డే సిరీస్ ముగిసేసరికి తొలి స్థానంలోకి రావాలనుకుంటున్నట్లు చెప్పాడు హోప్.
బుధవారం విశాఖ వేదికగా జరగనున్న వన్డేలో భారత్ గెలిస్తే... డిసెంబర్ 22న కటక్లో జరగనున్న ఆఖరి మ్యాచ్ కీలకంగా మారనుంది. ఇప్పటికే మూడు వన్డేల సిరీస్లో 1-0 ఆధిక్యంలోకి దూసుకెళ్లింది పొలార్డ్ సేన.
విండీస్ వన్డే జట్టు:
కీరన్ పొలార్డ్ (కెప్టెన్), ఎవిన్ లూయిస్, సునిల్ ఆంబ్రిస్, షిమ్రన్ హెట్‌మెయిర్, నికోలస్ పూరన్, బ్రాండన్ కింగ్, కీమోపాల్, షై హోప్, రోస్టన్ ఛేజ్, జాసన్ హోల్డర్, హేడెన్ వాల్ష్ జూనియర్, రొమారియో షెపర్డ్, అల్జారీ జోసెఫ్, ఖరీ పియర్రీ, షెల్డన్ కాట్రెల్.
