ఈ ఏడాది ఐపీఎల్లో మ్యాచ్లు జరిగే సమయంలో మీడియాకు అనుమతి లేదని బీసీసీఐ శుక్రవారం వెల్లడించింది. కరోనా వ్యాప్తి వల్ల కఠిన నిబంధనలు విధించిన కారణంగానే ఈ నిర్ణయం తీసుకున్నట్లు తెలిపింది. మ్యాచ్కు ముందు ప్రెస్ కాన్ఫరెన్స్లనూ నిర్వహించడం లేదని అధికారులు స్పష్టం చేశారు. అయితే మ్యాచ్ ముగిసిన తర్వాత వర్చువల్గా మీడియా సమావేశం ఏర్పాటు చేయనున్నట్లు చెప్పారు.
యూఏఈ వేదికగా సెప్టెంబరు 19(శనివారం) నుంచి టోర్నీ ప్రారంభం కానుంది. తొలి మ్యాచ్ ముంబయి, చెన్నై జట్ల మధ్య జరగనుంది. భారత కాలమానం ప్రకారం రాత్రి 7.30 గంటలకు మొదలవుతుంది.
