ఐపీఎల్ 13వ సీజన్ ఈ ఏడాది మార్చి 29 నుంచి ప్రారంభం కానున్నట్లు తెలుస్తోంది. తొలి మ్యాచ్ ముంబయిలోని వాంఖడే వేదికగా జరుగుతుందని సమాచారం. ఫైనల్.. మే 24న నిర్వహించేందుకు ప్రణాళిక సిద్ధం చేసినట్లు క్రీడావర్గాల సమాచారం. గతంలో 51 రోజులే ఉన్న ఈ టోర్నీ.. ఈసారి 57 రోజులు జరగనుంది. ప్రతి రోజు సాయంత్రం 7.30 నిముషాలకు మ్యాచ్ ప్రారంభం కానుంది. ఆరంభ, ముగింపు వేడుకలు ఈ ఏడాదీ ఉండకపొవచ్చట. పూర్తి షెడ్యూల్ సహా అధికారిక ప్రకటన త్వరలో రానుంది.
రెండేసి మ్యాచ్ల్లేవ్
ఈ సీజన్ షెడ్యూల్‌లో ఐపీఎల్ నిర్వాహకులు కొన్ని మార్పులు చేసినట్లు తెలుస్తోంది. వారంతపు రోజుల్లో రెండేసి మ్యాచ్‌లను నిర్వహించకుండా ఒక్క మ్యాచ్‌నే నిర్వహించాలని నిర్ణయించారట. అంతకుముందు శని, ఆదివారాల్లో రెండేసి మ్యాచ్‌లు జరిగేవి.
ఆరంభంలో ఉండరా?
ఐపీఎల్ సమయంలో అంతర్జాతీయ మ్యాచ్‌లు ఉన్న కారణంగా ఆస్ట్రేలియా, ఇంగ్లాండ్‌, న్యూజిలాండ్‌, శ్రీలంకకు చెందిన కొందరు క్రికెటర్లు... తొలి రెండు మ్యాచ్‌లకు అందుబాటులో ఉండకపోవచ్చు. మార్చి 29న ఆసీస్‌-కివీస్ మధ్య టీ20 సిరీస్‌, మార్చి 31న ఇంగ్లాండ్‌-శ్రీలంక టెస్టు సిరీస్‌ జరగనుంది. అయితే కొన్ని ఫ్రాంఛైజీలు ఏప్రిల్ 1న ఐపీఎల్ ప్రారంభించాలని నిర్వాహకులను కోరినా, వాటిపై సానుకూల స్పందన రాలేదట.
ఇటీవల జరిగిన ఐపీఎల్ వేలంలో ఆస్ట్రేలియా పేసర్ ప్యాట్‌ కమిన్స్‌.. ఈ ఏడాది రికార్డు ధర (రూ.15.5 కోట్లు)కు అమ్ముడుపోయాడు. అతడిని కోల్‌కతా నైట్‌ రైడర్స్‌ సొంతం చేసుకుంది.
ఇదీ చదవండి...
