దిల్లీ క్యాపిటల్స్​ కొత్త బౌలింగ్​ కోచ్​గా హ్యారిస్​​

ఐపీఎల్​లో దిల్లీ క్యాపిటల్స్​కు నూతన బౌలింగ్​ కోచ్​ను నియమించింది ఆ జట్టు యాజమాన్యం. ఆస్ట్రేలియా మాజీ పేసర్ రియాన్​​​ హ్యారిస్​​ను ఈ బాధ్యతల కోసం ఎంపిక చేసింది. అయితే వ్యక్తిగత కారణాల వల్ల ఈ ఏడాది బృందంతో కలవడని స్పష్టం చేసింది.

ఐపీఎల్​ ఫ్రాంచైజీ దిల్లీ క్యాపిటల్స్ బౌలింగ్​ కోచ్​గా ఆస్ట్రేలియా మాజీ పేసర్​ రియాన్​ ​హ్యారిస్​ను ఎంపిక చేసింది జట్టు యాజమాన్యం. గత రెండు సీజన్లలో క్యాపిటల్స్ జట్టుకు జేమ్స్​ హోప్స్​ బౌలింగ్​ కోచ్​గా వ్యవహరించాడు. ఇప్పుడు అతని స్థానంలో హ్యారిస్​ను ఎంపిక చేశారు. అయితే, వ్యక్తిగత కారణాల వల్ల ఈ ఏడాది జట్టుకు దూరంగా ఉండనున్నాడు.

"ఐపీఎల్​లోకి తిరిగి అడుగుపెట్టడం చాలా ఆనందంగా ఉంది. ట్రోఫీని సొంతం చేసుకోవాలన్న దిల్లీ క్యాపిటల్స్ ఆశయాలను నెరవేర్చేందుకు నాకు ఇదొక గొప్ప అవకాశం. జట్టులో అద్భుతమైన బౌలర్లు ఉన్నారు. వారితో కలిసి పని చేసేందుకు చాలా ఆసక్తిగా ఉన్నా".

రియాన్​​ హ్యారిస్​, ఆస్ట్రేలియా మాజీ పేసర్​

రియాన్​ హ్యారిస్​ తన కెరీర్​ మొత్తంగా టెస్టుల్లో 113 వికెట్లు, వన్డేల్లో 44, టీ20ల్లో 4 వికెట్ల చొప్పున పడగొట్టాడు. గాయాల కారణంగా 2015లో రిటైర్మెంట్​ ప్రకటించాల్సి వచ్చింది. అప్పటి నుంచి హ్యారిస్​ ఆస్ట్రేలియా జట్టు, బిగ్​బాష్​ లీగ్​ జట్టు బ్రిస్బేన్​ హీట్​కు కోచ్​గా బాధ్యతలు నిర్వర్తిస్తున్నాడు. గతంలో కింగ్స్​ ఎలెవెన్​ పంజాబ్​కూ బౌలింగ్​ కోచ్​గా వ్యవహరించాడు.