ఇండియన్ ప్రీమియర్ లీగ్(ఐపీఎల్) 13వ సీజన్ నిర్వహణకు బీసీసీఐ సన్నాహాలు ముమ్మరం చేసింది. అందుకోసం ప్రణాళికలను కూడా సిద్ధం చేస్తోంది. ఆస్ట్రేలియా వేదికగా అక్టోబరులో జరగాల్సిన టీ20 ప్రపంచకప్ను ఇటీవల ఐసీసీ వాయిదా వేయడం వల్ల... ఆ సమయంలోనే ఐపీఎల్ను దుబాయ్లో నిర్వహించాలని భారత బోర్డు యోచిస్తోంది.
ఈ నేపథ్యంలోనే ఆటగాళ్ల ప్రయాణాలపై యూఏఈ ఎయిర్లైన్స్ అధికారులతో చర్చలు జరుపుతోందని తెలుస్తోంది. ఈ విషయాన్ని బోర్డు సన్నిహిత వర్గాలు తెలిపాయి. తుది నిర్ణయాన్ని ఐపీఎల్ గవర్నింగ్ కౌన్సిల్ సమావేశం జరిగాక అధికారికంగా ప్రకటించనున్నారు.
" భారత్లోని దిల్లీ, ముంబయి, కోల్కతా వంటి మహా నగారాల్లో తమ సేవలు ఎప్పుడు పునః ప్రారంభించనున్నాయో సహా పలు విషయాలపై యూఏఈ విమానాశ్రయ అధికారులతో బీసీసీఐ చర్చలు జరుపుతోంది. ఒకవేళ ఇది జరగకపోతే.. మరోవైపు ఫ్రాంచైజీలు చార్టెడ్ విమానాల ద్వారా తమ ఆటగాళ్లను తీసుకెళ్లాలని యోచిస్తున్నాయి. ఇప్పటికే బస చేసేందుకు ఆ దేశంలోని కొన్ని హోటల్ యాజామాన్యాలతోనూ ప్యాకేజీల గురించి జట్ల యాజమాన్యాలు చర్చిస్తున్నాయి".
-బీసీసీఐ సన్నిహిత వర్గాలు.
భారత ప్రభుత్వం నుంచి గ్నీన్ సిగ్నల్ రాగానే ఐపీఎల్ను సెప్టెంబరు 26 నుంచి నవంబరు 8 వరకు జరపాలని బీసీసీఐ షెడ్యూల్ సిద్ధం చేసింది.
ఇది చూడండి : ఒకే పిచ్పై ఇద్దరు విరాట్ కోహ్లీలు.. అదెలా సాధ్యం?
