ఐపీఎల్కు ముందు జరిగే వేలం అందరి దృష్టినీ ఆకర్షిస్తుంది. ఏ ఫ్రాంచైజీ ఏ ఆటగాళ్లను తీసుకుంటుంది? వారి కోసం ఎంత ఖర్చు చేస్తుంది? లీగ్ కోసం వారి ప్లాన్స్ ఎలా ఉన్నాయి? ఏ ఆటగాడు ఎక్కువ ధర పలుకుతాడు? మొదలైన అంశాల గురించి అభిమానులు ఆత్రుతగా ఎదురుచూస్తుంటారు. 13వ సీజన్ కోసం వేలం ఫిబ్రవరి 18న జరగనుంది. ఈ నేపథ్యంలో ప్రతి సీజన్లో ఎక్కువ ధర పలికిన ఆటగాళ్లెవరో తెలుసుకుందాం.
ఐపీఎల్ మొదటి సీజన్లో టీమ్ఇండియా మాజీ సారథి ఎంఎస్ ధోనీ అత్యధిక ధర పలికాడు. 2007 టీ20 ప్రపంచకప్లో భారత జట్టును విజేతగా నిలిపిన ధోనీ సామర్థ్యాల పట్ల ఫ్రాంచైజీలు ఎక్కువ నమ్మకాన్ని ఉంచాయి. దీంతో ఇతడికి భారీ డిమాండ్ లభించింది. ఈ కారణంగా మహీని 9.5 కోట్ల భారీ ధరకు కొనుగోలు చేసింది చెన్నై సూపర్ కింగ్స్. అప్పటి నుంచి చెన్నైకే ఆడుతున్న ధోనీ ఈ ఫ్రాంచైజీకి మూడు ఐపీఎల్ టైటిల్స్ అందించాడు.
తర్వాత ఏడాది (2009) జరిగిన వేలంలో ఇంగ్లాండ్ ఆటగాళ్లు కెవిన్ పీటర్సన్, ఆండ్రూ ఫ్లింటాఫ్ ఎక్కువ ధర పలికారు. 2010లో వెస్టిండీస్ విధ్వంసకర ఆటగాడు కీరన్ పొలార్డ్, న్యూజిలాండ్ పేసర్ షేన్ బాండ్ ఈ ఘనత సాధించారు. అనంతరం 2011 ఐపీఎల్ వేలంలో కోల్కతా నైట్రైడర్స్.. గౌతమ్ గంభీర్ను 11.4 కోట్ల భారీ ధరకు కొనుగోలు చేసింది. ఇక తర్వాత యువరాజ్ సింగ్ (రెండుసార్లు), బెన్ స్టోక్స్ (రెండు సార్లు), రవీంద్ర జడేజా, జయదేవ్ ఉనద్కత్ వరుస సీజన్లలో ఎక్కువ రేట్కు అమ్ముడుపోయారు. గత సీజన్లో ఆస్ట్రేలియా పేసర్ ప్యాట్ కమిన్స్ను అత్యధిక ధరకు కొనుగోలు చేసింది కోల్కతా నైట్రైడర్స్.
ఎక్కువ ధర పలికిన ఆటగాళ్లు (సీజన్ వారిగా)
