ఈ ఏడాది ఐపీఎల్లో మొత్తంగా 16మంది అంపైర్లు బాధ్యతలు నిర్వర్తించనున్నారు. అందులో నలుగురు ఐసీసీ ఎలీట్ ప్యానెల్లోని సభ్యులు ఉంటారని సమాచారం. క్రిస్ గఫానె(న్యూజిలాండ్), రిచర్డ్ ఇల్లింగ్వర్త్(ఇంగ్లాండ్), పాల్ రీఫెల్(ఆస్ట్రేలియా) నితిన్ మేనన్(భారత్) ఈ బాధ్యతలు చేపట్టనున్నట్లు తెలుస్తోంది. సెప్టెంబర్ 10 నాటికి వీరు దుబాయ్ చేరుకోనున్నారు. మిగతా 12మంది బీసీసీఐకి చెందిన అంపైర్లు ఉంటారు.
దుబాయ్ వేదికగా సెప్టెంబరు 19 నుంచి నవంబరు 10 వరకు ఈ మెగాలీగ్ జరగనుంది. అబుదాబి, షార్జా, దుబాయ్ వేదికల్లో మొత్తం 53 రోజుల పాటు ఈ టోర్నీ నిర్వహించనున్నారు. ఇప్పటికే యూఏఈకి చేరుకున్న జట్లన్నీ క్వారంటైన్ పూర్తిచేసుకుని ప్రాక్టీస్ సెషన్ను మొదలుపెట్టేశాయి.
ఇది చూడండి 'ఐపీఎల్ నుంచి తప్పుకోవడం ఎప్పుడూ కష్టమే'
