చాహల్ కాబోయే భార్య సూపర్ 'మల్డీ టాలెంటడ్'! - chahal marriage

స్పిన్నర్ చాహల్, ధనశ్రీని త్వరలో వివాహం చేసుకోనున్నాడు. అయితే ఆమె గురించిన పలు విషయాలు ఆసక్తి కలిగిస్తున్నాయి.

చాహల్-ధనశ్రీ

Published : Aug 10, 2020, 11:57 AM IST

టీమ్‌ ఇండియా ఆటగాడు చాహల్‌ త్వరలో ఓ ఇంటివాడు కాబోతున్నాడు. ధనశ్రీ వర్మను తాను వివాహం చేసుకోబోతున్నానంటూ శనివారం ఈ స్పిన్నర్‌ ప్రకటించాడు. ధనశ్రీ వృత్తిపరంగా వైద్యురాలే అయినప్పటికీ ఆమె యూట్యూబ్‌ స్టార్‌గానే ఎక్కువ మందికి పరిచయం. ఆమె కొరియోగ్రఫీ చేసిన కొన్ని వీడియోలకు లక్షలకొద్దీ వ్యూస్‌ లభించడం విశేషం. మైదానంలో ఎప్పుడూ ఉత్సాహంతో కనిపించే చాహల్‌లానే ధనశ్రీ సైతం అంతే యాక్టివ్‌గా ఉంటుందని ఆమె సోషల్‌ మీడియా ఖాతాలను చూస్తే ఇట్టే అర్థమవుతుంది.

కాబోయే భార్య ధనశ్రీతో క్రికెటర్ చాహల్

ముంబయికి చెందిన ధనశ్రీ డెంటిస్ట్‌. 2014లోనే ఆమె నవీ ముంబయిలోని డీవై పాటిల్‌ డెంటల్‌ కళాశాల నుంచి డిగ్రీ పొందింది. కానీ కొరియోగ్రఫీ అంటేనే ఆమెకు మక్కువ. ధన శ్రీ వర్మ పేరిట ఓ డ్యాన్స్‌ అకాడమీ కూడా ఉంది. సొంత యూట్యూబ్‌ ఛానెల్‌కు 15 లక్షల మంది సబ్‌స్కైబర్లూ ఉన్నారు. ఇన్‌స్టాలోనూ సుమారు 5 లక్షల మందికిగా పైగా అనుసరిస్తున్నారు. చాహల్‌తో వివాహం ఖరారైనట్లు ఆమె పెట్టిన ఇన్‌స్టా పోస్టుకు 2 లక్షకు పైగా లైకులు వచ్చాయంటే ఆమె ఫాలోయింగ్‌ను అర్థం చేసుకోవచ్చు. నటుడు కార్తిక్‌ ఆర్యన్‌, సింగర్‌ గురు రంద్వాతో కలిసి డ్యాన్స్‌ చేసిన వీడియోలు కూడా ఉన్నాయి. ఆమె ఇన్‌స్టాలో చాహల్‌ చేసిన డ్యాన్స్‌ వీడియో కూడా ఉంది. ఆమె 'చో గడాతరా' అంటూ చేసిన వీడియోకు ఏకంగా 48 మిలియన్లు, 'ఓ సాకీ సాకీ' అంటూ చేసిన ఓ వీడియోకు 16 మిలియన్ల వీక్షణలు ఉన్నాయి.