వాంఖడేలో ఊహించని విధంగా చిత్తయిన టీమిండియా నేడు మరో పోరాటానికి సిద్ధమైంది. సిరీస్లో నిలవాలంటే కోహ్లీసేన కచ్చితంగా గెలవాల్సి ఉంది. రాజ్‌కోట్‌లో జరగనున్న రెండో వన్డేకు వికెట్ కీపర్ రిషభ్‌ పంత్‌కు విశ్రాంతి ఇచ్చింది భారత జట్టు యాజమాన్యం. తల అదురు(కంకషన్)తో బాధపడుతుండటం వల్ల ఈ నిర్ణయం తీసుకుంది. ప్రస్తుతం పంత్ ముంబయిలో బీసీసీఐ పర్యవేక్షణలో ఉన్నాడు. ఇతడు టీ20 ప్రపంచకప్లో కీలకం కానుండటం వల్ల ఇతడిపై ప్రత్యేక శ్రద్ధ తీసుకుంటోంది.
ఇదీ జరిగింది...!
వాంఖడేలో జరిగిన తొలివన్డేలో 44వ ఓవర్లో ఆసీస్ పేసర్‌ కమిన్స్‌ వేసిన బంతి... బ్యాటుకు తగిలి పంత్ హెల్మెట్‌కు బలంగా తాకింది. గాల్లోకి లేచిన బంతిని ఫీల్డర్‌ అందుకోవడం వల్ల పంత్ నిరాశగా పెవిలియన్‌ చేరాడు. రెండో ఇన్నింగ్స్‌లో అతడు మైదానంలోకి రాలేదు. పంత్ బదులు కేఎల్‌ రాహుల్‌ వికెట్ కీపింగ్‌ చేశాడు. కంకషన్ సబ్‌స్టిట్యూట్‌గా మనీశ్‌ పాండే ఫీల్డింగ్‌ చేశాడు. ఈ నేపథ్యంలో పంత్ పూర్తిగా కుదుటపడకపోవడం వల్ల రెండో వన్డేకు విశ్రాంతి ఇచ్చారు. ఈ మ్యాచ్కు బ్యాకప్ వికెట్ కీపర్గా ఆంధ్ర కుర్రోడు కేఎస్ భరత్ను ఎంపిక చేశారు సెలక్టర్లు. అయితే తుది జట్టులోకి అవకాశం రాకపోవచ్చని క్రీడావర్గాలు భావిస్తున్నాయి.
-
Update: Rishabh Pant has got a concussion after being hit on his helmet while batting. KL Rahul is keeping wickets in his absence. Pant is under observation at the moment. #TeamIndia #INDvAUS pic.twitter.com/JkVElMacQc
— BCCI (@BCCI) January 14, 2020 " class="align-text-top noRightClick twitterSection" data="
">Update: Rishabh Pant has got a concussion after being hit on his helmet while batting. KL Rahul is keeping wickets in his absence. Pant is under observation at the moment. #TeamIndia #INDvAUS pic.twitter.com/JkVElMacQc
— BCCI (@BCCI) January 14, 2020Update: Rishabh Pant has got a concussion after being hit on his helmet while batting. KL Rahul is keeping wickets in his absence. Pant is under observation at the moment. #TeamIndia #INDvAUS pic.twitter.com/JkVElMacQc
— BCCI (@BCCI) January 14, 2020
ఆర్డర్ మారిందా..!
తొలి వన్డేలో ప్రయోగాలకు పోయి ఓటమి కొని తెచ్చుకున్న కోహ్లీ సేన.. మూడు వన్డేల సిరీస్లో నిలవాలంటే తప్పక గెలవాల్సిన రెండో వన్డేలో కీలక నిర్ణయం తీసుకోనున్నట్లు సమాచారం. రోహిత్‌, ధావన్‌ ఓపెనర్లుగా దిగనుండగా.. కోహ్లీ మూడో స్థానంలోనే బరిలోకి దిగనున్నాడు. రాహుల్‌ మిడిలార్డర్‌లో బ్యాటింగ్‌కు వచ్చే అవకాశాలున్నాయి. నాలుగో స్థానం కోసం అతనికి శ్రేయస్‌ అయ్యర్‌కు మధ్య పోటీ ఉంది. తొలి వన్డేలో ఏ మాత్రం ప్రభావం చూపలేకపోయిన బుమ్రా సారథ్యంలోని భారత బౌలర్లకు రాజ్‌కోట్‌లో కంగారూ బ్యాట్స్‌మెన్‌ను నిలువరించడం పెద్ద సవాలే.
శార్దూల్‌ ఠాకూర్‌ స్థానంలో దిల్లీ పేసర్‌ నవ్‌దీప్‌ సైని జట్టులోకి రావొచ్చు. కుల్దీప్ లేదా చాహల్‌లో ఒకరికే అవకాశం దక్కొచ్చు. తొలి వన్డేలో పేస్‌ ఆల్‌రౌండర్‌ లేని లోటు కనిపించడం వల్ల శివం దూబె తుది జట్టులోకి వచ్చే అవకాశాలున్నాయి.
పిచ్‌, వాతావరణం..
రాజ్కోట్ పిచ్‌పై పరుగుల వరద ఖాయం. భారీ స్కోర్లు నమోదు అయ్యే అవకాశాలున్నాయి. వాతావరణం పొడిగా ఉంటుంది. వర్షం కురిసే అవకాశాలు తక్కువ.
