ఆతిథ్య న్యూజిలాండ్తో జరుగుతున్న తొలిటెస్టులో టాస్ ఓడి బ్యాటింగ్కు దిగిన టీమిండియా భోజన విరామ సమయానికి 79 పరుగులకే మూడు వికెట్లు కోల్పోయింది. ఓపెనర్లు పృథ్వీ షా, మయాంక్ అగర్వాల్ జోడి శుభారంభం ఇవ్వలేకపోయింది. 16 పరుగులు చేసిన పృథ్వీ షా... టిమ్ సౌథీ బౌలింగ్లో క్లీన్ బౌల్డ్ అయి వెనుదిరిగాడు. ఆ తర్వాత క్రీజులోకి వచ్చిన పుజారా 11 పరుగులకే జేమిసన్ బౌలింగ్లో కీపర్కు క్యాచ్ ఇచ్చి పెవిలియన్ చేరాడు. ఇక ఈ దశలో క్రీజులోకి వచ్చిన కెప్టెన్ కోహ్లీ 2 పరుగులు మాత్రమే చేసి జేమిసన్ బౌలింగ్లోనే నిష్క్రమించాడు.
ఓ దశలో 40 పరుగులకే మూడు వికెట్లు కోల్పోయి కష్టాల్లో పడిపోయిన టీమిండియాను ఓపెనర్ మయాంక్ అగర్వాల్, అజింక్యా రహానే ఆదుకున్నారు. ప్రస్తుతం అగర్వాల్ 29, రహానే 19 పరుగులతో క్రీజులో ఉన్నారు.
