వెస్టిండీస్తో తొలి వన్డేలో పరాజయానికి బదులు చెప్పాలని చూస్తోంది టీమిండియా. రెండో వన్డేలోనూ విజయం సాధించి సిరీస్ కైవసం చేసుకోవాలనుకుంటోంది విండీస్. విశాఖ వేదికగా ఇరు జట్ల మధ్య నేడు ఆరంభం కానుంది.
గత 15 ఏళ్ల నుంచి సొంతగడ్డపై వరుసగా రెండు ద్వైపాక్షిక వన్డే సిరీస్ల్లో టీమిండియా ఒక్కసారి కూడా ఓడలేదు. చివరగా 2002-03లో విండీస్పై, 2004-15లో పాకిస్థాన్పై పరాజయం పాలైంది. అంతేకాకుండా స్వదేశంలో వరుసగా 5 వన్డేల్లోనూ ఇప్పటివరకు ఓటమి పాలవ్వలేదు. ఈ రోజు విశాఖలో జరిగే వన్డేలో భారత్ పరాజయం చెందితే ఈ రికార్డులు బద్దలు కానున్నాయి.
ఈ ఏడాది ఆస్ట్రేలియాతో జరిగిన 5వన్డేల సిరీస్లో 2-3 తేడాతో ఓడింది కోహ్లీసేన. చెన్నై వన్డేలో పరాజయంతో స్వదేశంలో వరుసగా నాలుగు మ్యాచ్ల్లో ఓటమి పాలైంది.
విశాఖలో టీమిండియాకు ఘనమైన విజయాల రికార్డు ఉంది. మహేంద్ర సింగ్ ధోనీ, విరాట్ కోహ్లీ, రోహిత్ శర్మ, శిఖర్ ధావన్ లాంటి అగ్రస్థాయి బ్యాట్స్మెన్ ఈ మైదానంలో ఆడే వెలుగులోకి వచ్చారు.
1979 నుంచి ఇప్పటివరకు విండీస్తో 131 వన్డేలాడిన భారత్.. 62 మ్యాచ్ల్లో విజయం సాధించింది. 63 మ్యాచ్ల్లో నెగ్గి కరీబియన్ జట్టు ముందంజలో ఉంది. ప్రస్తుతం జరుగుతున్న ఈ సిరీస్లో గెలిచి ఆ రికార్డు తిరగరాయాలనుకుంటోంది కోహ్లీసేన.
ఆదివారం వెస్టిండీస్తో జరిగిన తొలి వన్డేలో భారత్ ఎనిమిది వికెట్ల తేడాతో ఓటమిపాలైంది. హెట్మయిర్‌ (139), హోప్‌ (102*) విండీస్ విజయంలో కీలక పాత్ర పోషించారు. విశాఖ వేదికగా రెండో వన్డే బుధవారం జరగనుంది.
ఇదీ చదవండి: వైరల్: ఫుట్బాల్ ఆటలో ముద్దు పెట్టి మాట్లాడాలంట..!
