జాతీయ జట్టులోకి మాజీ సారథి మహేంద్ర సింగ్ ధోనీ పునరాగమనంపై మాట్లాడాడు మాజీ క్రికెటర్ ఆకాశ్ చోప్రా. వచ్చే ఏడాది టీ20 ప్రపంచకప్లో మహీ ఆడకపోయినా టీమిండియా మెరుగైన ప్రదర్శన కనబరుస్తుందని అభిప్రాయపడ్డాడు.
"ధోనీ లేకపోయినా టీమిండియా బాగానే రాణించగలదు. అయితే మహీ ఆడటం జట్టుకు లాభదాయకమే. కానీ టీమ్ మేనేజ్మెంట్ కూడా అతడికి ఆడాలని ఉందో లేదో తెలుసుకోవాలి.
-ఆకాశ్ చోప్రా, టీమ్ఇండియా మాజీ క్రికెటర్.
గతేడాది ప్రపంచకప్లో చివరగా బరిలోకి దిగిన ధోనీ.. ఆ తర్వాత ఐపీఎల్లో ఆడి జాతీయ జట్టులో చోటు దక్కించుకోవాలని భావించాడు. మార్చిలో కరోనా రావడం, లీగ్ నిరవధిక వాయిదా పడటం, టీ20 ప్రపంచకప్ రద్దు.. ఇలా చాలానే అనుకోని సంఘటనలు జరిగాయి. దీంతో మహీ కెరీర్ సందిగ్ధంలో పడింది.
అయితే యూఏఈ వేదికగా సెప్టెంబర్-నవంబర్ మధ్య ఐపీఎల్ నిర్వహణకు బీసీసీఐ గ్రీన్సిగ్నల్ ఇవ్వడం వల్ల ధోనీ మళ్లీ బ్యాట్ పట్టనున్నాడు. ఈ లీగ్ ప్రదర్శనతో టీమ్ఇండియాలోకి రీఎంట్రీ ఇస్తాడని అభిమానులు ఆశిస్తున్నారు.
ఇది చూడండి : మల్టీస్పెషాలిటీ ఆస్పత్రిలో కరోనా హాకీ ప్లేయర్స్
