వెస్టిండీస్తో జరుగుతోన్న మొదటి టెస్టు తొలి ఇన్నింగ్స్లో భారత్ 297 పరుగులకు ఆలౌటైంది. ఓవర్నైట్ స్కోరు 203/6 పరుగుల వద్ద రెండో రోజు ఆట మొదలు పెట్టిన టీమిండియా మరో 94 పరుగులు జత చేసింది. రహానే(81), రవీంద్ర జడేజా(58) అర్ధశతకాలతో ఆకట్టుకుని భారత్కు గౌరవప్రదమైన స్కోరు అందింంచారు. విండీస్ బౌలర్లు కీమర్ రోచ్ 4, గ్రాబియేల్ 3, చేజ్ రెండు వికెట్లతో రాణించారు.
టాస్ ఓడి బ్యాటింగ్కు దిగిన టీమిండియా టాపార్డర్ విఫలమైంది. ఫలితంగా 25పరుగులకే మూడు వికట్లు కోల్పోయి పీకల్లోతు కష్టాల్లో పడింది. ఇలాంటి పరిస్థితుల్లో అజింక్యా రహానే అర్ధశతకంతో ఆకట్టుకుని భారత జట్టు ఇన్నింగ్స్ను గాడిలో పెట్టాడు. 81 పరుగుల వ్యక్తిగత స్కోరు వద్ద గాబ్రియేల్ బౌలింగ్లో ఔట్ అయ్యాడు.
203/3 పరుగుల ఓవర్ నైట్ స్కోరు వద్ద రెండోరోజు ఆట మొదలు పెట్టిన కోహ్లీసేన ఆరంభంలోనే పంత్(24) వికెట్ చేజార్చుకుంది. అనంతరం రవీంద్ర జడేజా.. టెయిలెండర్లతో ఇన్నింగ్స్ను ముందుకు నడిపించాడు. ముఖ్యంగా ఇషాంత్ శర్మతో(19) కలిసి 50 పరుగుల భాగస్వామ్యాన్ని నెలకొల్పాడు. 112 బంతుల్లో 58 పరుగులు చేసి ఆకట్టుకున్నాడు జడ్డూ.
ఇది చదవండి: కోచ్ కాలేకపోయినా కీలక పదవి పొందాడు!
