మహిళల టీ20 ప్రపంచకప్‌లో టీమిండియా మరో రసవత్తర పోరుకు సిద్ధమైంది. న్యూజిలాండ్‌తో మూడో మ్యాచ్‌లో తలపడనుంది హర్మన్ప్రీత్ సారథ్యంలోని భారత జట్టు. టాస్ గెలిచిన కివీస్‌ సారథి సోఫీ డివైన్‌.. ఫీల్డింగ్ ఎంచుకుంది.
తొలి టీ20లో డిఫెండింగ్‌ ఛాంపియన్‌ ఆస్ట్రేలియాను మట్టి కరిపించిన భారత్‌.. తర్వాతి మ్యాచ్‌లో బంగ్లాను చిత్తుచేసింది. ఇప్పుడు న్యూజిలాండ్‌తో అమీతుమీ తేల్చుకోనుంది. ఈ మ్యాచ్ గెలిస్తే ఉమెన్ టీమిండియా గ్రూప్‌-ఎ నుంచి సెమీస్‌ బెర్త్‌ ఖరారు చేసుకోనుంది. అయితే, న్యూజిలాండ్‌తో పోరు అంత ఆషామాషీ కాదు. ఆ జట్టు కూడా భారత్‌లా అన్నిరంగాల్లో బలంగానే కనిపిస్తోంది. బంగ్లా మ్యాచ్‌కు దూరంగా ఉన్న ఓపెనర్‌ స్మృతి మంధాన ఈ మ్యాచ్‌లో బరిలోకి దిగుతోంది.
భారత జట్టు:
స్మృతి మంధాన, షెఫాలీ వర్మ, తానియా భాటియా, జెమిమా రోడ్రిగ్స్‌, హర్మన్ప్రీత్ కౌర్‌ (కెప్టెన్‌), దీప్తి శర్మ, వేదా కృష్ణమూర్తి, శిఖా పాండే, రాధా యాదవ్‌, పూనమ్‌ యాదవ్‌, రాజేశ్వరి గైక్వాడ్‌
న్యూజిలాండ్ జట్టు:
సోఫీ డివైన్‌(కెప్టెన్‌), రేచల్‌ ప్రీస్ట్‌, సుజీ బేట్స్‌, మాడీ గ్రీన్‌, కాటీ మార్టిన్‌, అమేలియా కెర్ర్‌, హయ్‌లీ జెన్‌సెన్‌, అన్నా పీటర్‌సన్‌, లీ కాస్పెరెక్‌, లీ తాహుహు, రోజ్‌మెరీ మెయిర్‌
