భారత్-ఆస్ట్రేలియా సిరీస్లో అదరగొట్టిన పలువురు క్రికెటర్లు.. తమ వన్డే ర్యాంకుల్ని మెరుగుపరుచుకున్నారు. టీమ్ఇండియా కెప్టెన్ కోహ్లీ.. బ్యాట్స్మన్లో అగ్రస్థానంలో కొనసాగుతున్నాడు. సిరీస్కే ఎంపికవ్వని రోహిత్ శర్మ రెండో స్థానంలో ఉన్నాడు. బౌలింగ్లో బుమ్రాలో ఒక స్థానం కోల్పోయి మూడుకు చేరుకున్నాడు.
2019 ప్రపంచకప్ తర్వాత ఈ వన్డే సిరీస్ ఆడిన ఆల్రౌండర్ హార్దిక్ పాండ్య.. తొలి, మూడో మ్యాచ్ల్లో వరుసగా 90, 92* పరుగులు చేసి మెప్పించాడు. దీంతో టాప్-50లో చోటు దక్కించుకున్నాడు. కెరీర్లోనే అత్యుత్తమంగా 553 పాయింట్లతో 49వ ప్లేస్కు చేరుకున్నాడు.
ఆస్ట్రేలియా జట్టులో కెప్టెన్ ఫించ్ రెండు స్థానాలు ఎగబాకి ఐదుకు, ఒక స్థానం మెరుగుపర్చుకున్న వార్నర్ ఏడుకు చేరుకున్నారు. వన్డేల్లో రెండు సెంచరీలు చేసిన స్మిత్.. 2018 తర్వాత టాప్-20లో అడుగుపెట్టాడు. ప్రస్తుతం 707 పాయింట్లతో 15వ స్థానంలో ఉన్నాడు.
