ఆస్ట్రేలియాతో జరిగిన రెండో టీ20లో విరాట్ కోహ్లీ ఓ అద్భుతమైన స్కూప్ షాట్ ఆడాడు. మ్యాచ్ అనంతరం సరదాగా స్పందించిన టీమ్ఇండియా సారథి.. దీనిపై డివిలియర్స్ స్పందన ఎలా ఉంటుందో అడిగి తెలుసుకుంటానని చెప్పాడు.
ఆండ్రూ టై వేసిన 15వ ఓవర్లో కోహ్లీ.. స్టంప్స్ను వదిలేసి స్క్వేర్ లెగ్ మీదుగా సిక్సర్ బాదాడు. అయితే.. ఇలాంటి షాట్స్ ఎక్కువగా దక్షిణాఫ్రికా మాజీ బ్యాట్స్మన్, రాయల్ ఛాలెంజర్స్ బెంగళూరులో కోహ్లీ సహచరుడు ఏబీ డివిలియర్స్ ఆడుతుంటాడు.
"బహుషా.. నేను ఆడిన ఆ షాట్లో ఏబీ డివిలియర్స్ కనిపించి ఉంటాడు. ఇలాంటి షాట్ ఆడుతానని అస్సలు ఊహించలేదు. హార్దిక్తో కూడా అదే చెప్పాను. టీమ్ఇండియా జట్టు ఆటగాళ్లు కూడా ఆ స్కూప్ షాట్ ఊహించి ఉండరు. ఈ షాట్ గురించి ఏబీకి ఈరోజే ఓ మెసేజ్ చేస్తా. తను ఎలా స్పందిస్తాడో చూడాలి! ".
-విరాట్ కోహ్లీ, భారత జట్టు సారథి.
నెటిజన్ల స్పందన
విరాట్ సిక్సర్ కొట్టిన తీరుపై నెటిజన్లు ప్రశంసలు కురిపిస్తున్నారు. ఏబీ డివిలియర్స్ను గుర్తుచేశాడు అంటూ కామెంట్స్ చేస్తున్నారు.
ఈ స్కూప్ షాట్పై క్రికెట్ ఆస్ట్రేలియా సైతం స్పందించింది. ఈ షాట్ కొట్టింది డివిలియర్సా లేక కోహ్లీనా? అని కామెంట్ చేసింది.
-
Virat Kohli or AB de Villiers? 🤯
— cricket.com.au (@cricketcomau) December 6, 2020 " class="align-text-top noRightClick twitterSection" data="
Ridiculous shot from the Indian skipper! #AUSvIND pic.twitter.com/6g8xY8ihIj
">Virat Kohli or AB de Villiers? 🤯
— cricket.com.au (@cricketcomau) December 6, 2020
Ridiculous shot from the Indian skipper! #AUSvIND pic.twitter.com/6g8xY8ihIjVirat Kohli or AB de Villiers? 🤯
— cricket.com.au (@cricketcomau) December 6, 2020
Ridiculous shot from the Indian skipper! #AUSvIND pic.twitter.com/6g8xY8ihIj
ఇదీ చదవండి:ఆ జాబితాలో రైనాను దాటి టాప్లోకి ధవన్
